ឯកសារកសិកម្ម
រូបភាព
+ការរៀបចំមុនដាំដុះ
-ត្រៀមផើងដំណាំ ដែលមានទំហំធំល្មម ទៅតាមទំហំ និងបរិមាណរបស់ដំណាំស្រកានាគ
-ដីផុសល្អ ឬដីមានលាយជីកំប៉ុស្ត
-ជ្រើសរើសពូជស្របតាមចំណង់ចំណូលចិត្តរបស់អ្នក (ពូជក្រហម ឬពូជស) ។ ត្រូវរើសដើមណាដែលមានសុខភាពល្អ ធំ ថ្លោស មិនត្រូវយកដើមខ្ចីពេក ឬចាស់ពេកទេ ។
-ត្រូវយកពូជដើមស្រកានាគនៅស្រស់នោះ មកកាត់ជាកំណាត់កង់ៗ ប្រវែងប្រមាណ ៣ ទៅ៤តឹក និងរក្សាទុកនៅកន្លែងត្រជាក់ប្រមាណ ១សប្តាហ៍ មុនយកទៅដាំ។ (ការធ្វើបែបនេះ នឹងជួយធ្វើឱ្យមុខរបួសអាចជាសះស្បើយ និងអាចការពារការឆ្លងជំងឺផ្សេងៗ នៅពេលដាំ )
+ការរៀបចំដាំដុះ
-យកដីចាក់ចូលក្នុងផើងឱ្យពេញល្មម
-ស្រោចទឹកលើដីឱ្យជោគ ហើយទុកហាលដីឱ្យស្ងួតល្មម (ដីនៅមានសំណើម)
-ជីករណ្តៅក្នុងផើងដំណាំ ជម្រៅប្រមាណ កន្លះម៉ែត្រដើម្បីដាំដុះ
-យកដើមស្រកានាគដែលយើងបានកាត់ទុកដាំនោះ មកកប់ក្នុងរណ្តៅ ដោយបញ្ឈរឡើងទៅលើ ក្នុងចំនួនពីរ២ ទៅ ៣ដើម
-លុបដីក្នុងរណ្តៅដំណាំ រួចស្រោចទឹក
+ការថែទាំ
-រក្សាផើងដំណាំក្នុងទីតាំងដែលមានពន្លឺព្រះអាទិត្យគ្រប់គ្រាន់
-ត្រូវស្រោចទឹកឱ្យទៀងទាត់ មួយថ្ងៃពីរដង ព្រឹក និងល្ងាច
-នៅពេលស្រកានាគចាប់ផ្តើមដុះ និងបែកធាងថ្មីប្រមាណមួយថ្នាំដៃ គួរកាត់បន្ថយការស្រោចទឹក ដោយចាក់ទឹកម្តង ក្នុងរយៈពេលពីរអាទិត្យ និងរក្សាទុកដីឱ្យស្ងួត
-ឧស្សាហ៍យកកាកសំណល់ផ្ទះបាយ ជាបន្លែ ឬផ្លែឈើផ្សេងៗ ដាក់នៅនឹងគល់ដំណាំ ដើម្បីធ្វើជាជីធម្មជាតិបំប៉នដើម-យកដីពូនគល់ដំណាំ និងឧស្សាហ៍សម្អាតស្មៅជុំវិញគល់ដំណាំចេញ
-ដាំបង្គោលឫស្សី និងចងដើមស្រកា ដើម្បីទប់លំនឹងដំណាំ
+ការប្រមូលផល
-ស្រកានាគ នឹងឱ្យផលក្នុងរយៈពេល២ឆ្នាំ
សម្រួលអត្ថបទ៖ អ៊ាង សុផល្លែត
