ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
ឯកសារកសិកម្ម

វិធីធ្វើទូភ្ញាស់ពងមាន់ពាក់កណ្តាលស្វ័យប្រវត្តិដោយប្រើឡាំងស្នោរ

28-Aug-2018 10:21 AM

រូបភាព


ដោយ: Uddam

* សម្ភារមានដូចជា៖
១.ឡាំងស្នោរជិតល្អដែលមានទមហំ ៤០ស.មx៤០ស.ម កំពស់ ៤០ស.ម
២.អំពូលពងមាន់ ២៥វ៉ាត់ ពីរគ្រាប់
៣. ទែម៉ូម៉ែត្រវាស់ កំដៅ និងសំណើម

៤.ទែម៉ូស្តាតផ្តាច់ចរន្ត
៥.ចានដាក់ទឹក
៦.ប្រើសំណាញ់ធ្វើទ្រុងមាន់វៃជាបន្ទះដាក់ទ្រពងមាន់ក៏បាន។


* វិធីធ្វើ៖
– យកឡាំងស្នោរមកវាស់ ដើម្បីធ្វើធ្នើរសំណាញ់ទ្រពងមានដោយទុកប្រឡោះខាងក្រោមប្រមាណជា១០ ស.ម ដើម្បីដាក់ចានទឹក។
– បន្ទាប់មកទៀតចាប់អំពូលទាំង ពីរជាមួយទែម៉ូស្តាតរួចហើយ កំណត់កំដៅ៣៧.៥អង្សាសេ។

– យើងត្រូវដាក់ទឹកនៅខាងក្រោមធ្នើរមួយចានឬ ក៏ពីរចានដើម្បីបង្កើនសំណើមនៅក្នុងទូរ។
– សំណើមដែលល្អសម្រាប់ការញាស់របស់ពងមាន់ចាប់ពី ៦០ ទៅ៦៥% យើងអាចវាស់វាបានដោយទែម៉ូម៉ែត្រសំណើមដាក់នៅក្នុងទូរ។


– ធ្វើការចោះផ្នែកខាងក្រោយចំកណ្តាលទូរទំហំប្រមាណ៥ស.មដើម្បីឲ្យមានខ្យល់ចេញចូលបាន។

– បន្ទាប់មកយើងអាចកាត់ផ្នែកខាងលើបន្តិចរួចហើយជំនួសវិញដោយកញ្ចក់ប្លាស្ទិចដើម្បីងាយស្រួលមើលឃើញនៅខាងក្នុងទូរ។ ត្រូវបិតគម្របឲ្យជិតដើម្បីឲ្យមានកំដៅគ្រប់គ្រាន់។

– ការប្រែពងមាន់ អាចធ្វើទៅបានតាមរយៈការប្រើដៃរបស់យើងវីឲ្យវាត្រលប់ដូរខាង គួរតែប្រែពន់មានយ៉ាងតិចបីដងក្នុងមួយថ្ងៃជាការល្អ។

– បន្ទាប់ពីដាក់ពងមាន់បាន១៨ថ្ងៃមិនបាច់ប្រែពងទៀតទេ។ នៅថ្ងៃទី១៩ ពងមាន់នឹងចាប់ផ្តើមញាស់ជាបណ្តើរៗ។
– បន្ទាបពីកូនមាន់ញាស់បាន២៤ម៉ោង ឬឃើញរោមវាស្ងួតយើងអាចយកវាមកខាងក្រៅបានហើយ។

អត្ថបទ៖ Phirun