ឯកសារកសិកម្ម
រូបភាព
+សម្ភារត្រូវមាន
-ផើងផ្កាសម្រាប់ដាំដុះ
-ពូជជីរវ៉ាន់ស៊ុយ ប្រភេទជាគ្រាប់ (ជីរវ៉ាន់ស៊ុយមិនអាចដាំដោយដោតទង ឬដកកូនទៅដាំ ដូចបន្លែដទៃទេ)
-ដីដែលមានលាយជីកំប៉ុស្ត
+វិធីដាំជីរវ៉ាន់ស៊ុយ
-យកគ្រាប់ជីរវ៉ាន់ស៊ុយកិនឱ្យម៉ត់ (បើមិនកិនមិនដុះទេ)
-ព្រោះគ្រាប់ដែលកិននោះ លើថ្នាលដីជីកំប៉ុស្តដែលរៀបចំក្នុងផើងរួច
-យកចំបើងមកគ្របពីលើ ហើយស្រោចទឹកវាក្នុងរយៈពេល១៥ថ្ងៃ កូននឹងដុះ
-ត្រូវស្រោចទឹក១ថ្ងៃ២ដង ព្រឹកម្តង ល្ងាចម្តង
-ឧស្សាហ៍បោចស្មៅ ជ្រួយដីឱ្យធូរ ដើម្បីឱ្យទឹកងាយជ្រាបចូលក្នុងដី រក្សាសំណើមបានយូរ ធ្វើឱ្យឫសជីវ៉ាន់ស៊ុយ អាចស្រួបជាតិទាំងដើមនិងស្លឹក
-ត្រូវដាំនៅពេលល្ងាច ហាមដាំនៅពេលថ្ងៃក្តៅ ព្រោះជីរជាអាហារស្លឹកជាហេតុធ្វើឱ្យវាឆាប់ស្រពោន
-ជីរវ៉ាន់ស៊ុយនឹងមិនល្អទេបើសិនជាអ្នកដាំដោយប្រើប្រាស់ជីគីមី
-ជីរវ៉ាន់ស៊ុយភាគច្រើន វាដុះលូតលាស់ល្អនៅពេលអ្នកដាំដោយប្រើដីដំបូក និងមេជីកំប៉ុស្តទឹកផ្សំពីធម្មជាតិ ដែលផ្សំពីស្លឹកឈើរលួយ
-ស្លឹកជីវ៉ាន់ស៊ុយ តែងរងផលប៉ះពាល់ពីពពួកសត្វល្អិតស៊ីស្លឹកដូចជា ដង្កូវ ចង្រិត មេអំបៅ និងកណ្តូប
-រយៈពេល៩០ថ្ងៃឬ៣ខែបន្ទាប់ពីដាំដុះ យើងអាចកាត់លក់វានៅលើទីផ្សារបានហើយ
សម្រួលអត្ថបទ៖ អ៊ាង សុផល្លែត
