រយៈពេលប្រហែល ៣ខែដំបូង ពេលមានផ្ទៃពោះ ស្ត្រីមួយចំនួនចាញ់កូនជាខ្លាំងរហូតជួនកាលត្រូវរកថ្នាំលេបថែមទៀត។ ប៉ុន្តែសារធាតុគីមីក្នុងថ្នាំ អាចធ្វើឲ្យប៉ះពាល់ដល់សុខភាពកូនបាន។ដូចនេះអ្នកគួរប្រើវិធីធម្មជាតិមួយនេះ ព្រោះសារធាតុក្នុខ្ញី អាចបំបាត់អាការៈចាញ់កូន យ៉ាងមានប្រសិទ្ធភាព។

++វិធីជួយព្យាបាលអាការៈចាញ់កូន

ការចាញ់កូន មានអាការៈដូចជាចង់ក្អួតចង្អោរ ហើយពេលខ្លះទៀតចេញទឹកមាត់យ៉ាងច្រើន នៅពេលដែលធំក្លិនអាហាណាមួយ។

++វិធីព្យាបាលគឺ៖យើងយកខ្ញីមួយដុំប៉ុនមេដៃមកចិតសំបកលាងឲ្យស្អាត ដំវាឲ្យបែកបន្តិចរួចដាក់ដាំជាមួយទឹកមួយកែវឲ្យពុះរយៈពេល៥នាទី ហើយយកវាមករក្សាទុកឲ្យត្រជាក់ដែលអាចញ៉ាំបានរួចច្រោះយកទឹកវាមកពិសារ អាចលាយទឹកឃ្មុំបន្តិចក៏បាន នោះអ្នកនឹងបានធូរស្រាល។

មិនតែប៉ុណ្ណោះ សារធាតុអាហារនៅក្នុងខ្ញី ជួយបណ្តេញខ្យល់ ជួយឲ្យខ្យល់ក្នុងរាងកាយដើរស្រួល មិនធ្វើឲ្យតឹងពោះ ឆ្អល់ពោះ។អ្នកគួរទទួលទានទឹកខ្ញី នំរសជាតិខ្ញី ឬគ្រាប់ថ្នាំរស់ជាតិខ្ញី ក៏បាន នោះអាការៈចាញ់កូន នឹងប្រសើរឡើង៕

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។

សម្រួលអត្ថបទ៖ អ៊ាង សុផល្លែត

សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។