ឯកសារកសិកម្ម
រូបភាព
+សម្ភារត្រូវមាន
-ផើងដែលមានទំហំមាត់ប្រមាណ៦តឹក ជម្រៅ៦តឹក
-ស្រកីដូងម៉ដ្ឋ អង្កាមដុត
-ដីមមោក
-ខ្សែសម្រាប់ចង។
+ វិធីផ្សាំកូន
-ត្រូវមានលាមកសត្វស្ងូត២០% ដីស្រទាប់លើ២០% ដីខ្សាច់៤០% ធ្បូងអង្កាម២០% ទឹកជីកំប៉ុស
-លាយខាងគ្រឿងផ្សំខាងលើបញ្ចូលគ្នាឲ្យសព្វ រួចដាក់រៀបចំជាថ្នាលមួយ ឬដាក់ថង់បណ្តុះ ហើយលាយទឹក ជីកំប៉ុស ជាមួយទឹកធម្មតា ស្រោចឲ្យមានសំណើម៧០% ហើយគ្របឲ្យជិត ៣ថ្ងៃក្រោយស្រោច ទឹកជីរួចត្រឡប់ម្តងទៀត ដើម្បីឲ្យល្បាយឆាប់កាច់បញ្ជូលគ្នានៃវត្ថុធាតុដើម
-កាត់ដើមស្រកានាគប្រវែងប្រមាណ២តឹក ចងភ្ជាប់គ្នាហើយទុករយៈពេល១ថ្ងៃ ចិតសំបកនៅផ្នែក ខាងក្រោមប្រមាណ ២សង់ម៉ែត ដោយទុកស្នូលកណ្តាល ចងភ្ជាប់គ្នាហើយទុករយៈពេល១ថ្ងៃ រួចយកវាទៅដាក់ដោតចូលក្នុងថ្នាលផ្សាំ និងស្រោចទឹកមួយថ្ងៃម្ដង
-ត្រូវធ្វើរោងនៅកន្លែងមានពន្លឺគ្រប់គ្រាន់ក្រោមម្លប់ដើម្បីផ្សាំកូន មិនត្រូវឲ្យមានកំដៅថ្ងៃខ្លាំងនោះទេ
+ វិធីដាំ
-ចោះរន្ធនៅបាតផើងដើម្បីកុំឲ្យវាដក់ជាំទឹក
-លាយដីមមោគ៦០% ស្រកីដូង២០% អង្កាមដុត២០% ដាក់ក្នុងផើង
-យកពូជដើមស្រការនាគមកដាក់ដាំនៅកណ្តាលផើងជម្រៅប្រមាណកន្លះតឹករួចដោតបង្គោលចងផ្អោប ដើម វាកុំឲ្យដួល និងឲ្យវាតោងផងដែរ។
-បន្ទាប់ពីដាំរួចស្រោចទឹករាល់៣ថ្ងៃម្តង
-ដាក់ជី 15-15-15 ឬ 16-16-16 ២ស្លាព្រាបាយក្នុង១ផើង រាល់១៥ថ្ងៃម្តង ពេលដាក់ជីរួចត្រូវស្រោចទឹក៣ថ្ងៃជាប់គ្នា
-ដាក់ជីលាមកមាន់ ឬលាមកគោប្រមាណ៣ក្តាប់ដៃរាល់មួយខែម្តង ដោយលាយជាមួយជី 15-15-15 ឬ 8-24-24 ក្នុងបរិមាណ២ស្លាព្រាបាយ
-នៅពេលដែលវាមានអាយុ ៨ខែទៅ១ឆ្នាំ វានឹងចាប់ផ្តើមមានផ្កា
សម្រួលអត្ថបទ៖ អ៊ាង សុផល្លែត
សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។
