សុខភាព និងសម្រស់
រូបភាព
អ្នកមិនគួរទទួលទានទឹកសូដាច្រើនពេកនោះទេ។ ខាងក្រោមនេះ គឺជាមូលហេតុទាំង ៦យ៉ាង ដែលទឹកសូដាអាចបំផ្លាញដល់សុខភាពរាងកាយរបស់អ្នក។
១. ធ្វើអោយឈាមមានជាតិខ្លាញ់៖ការផឹកទឹកសូដាជារៀងរាល់ថ្ងៃ នឹងអាចបង្កើនជាតិខ្លាញ់ triglycerides បានដល់៣០ភាគរយ ដែលអាចនឹងធ្វើអោយសសៃអាទែរបស់អ្នកឡើងរឹងបាន។ ២. ធ្វើឲ្យឡើងកន្ទួលរមាស់៖មានប្រភេទទឹកសូដាខ្លះ មានផ្ទុកនូវសារធាតុប្រឆាំងនឹងការឆេះ( flame- retardant) ដែលអាចប៉ះពាល់ដល់សុខភាពស្បែក ដែលបង្កឲ្យមានកើតកន្ទួលរមាស់ និងធ្វើអោយសសៃប្រសាទមិនប្រក្រតី។
៣.ប៉ះពាល់ដល់ខួរក្បាល៖នៅពេលដែលវាត្រូវបានបញ្ចូលជាមួយនឹងសារធាតុ ដែលធ្វើឲ្យផ្អែមដោយសិប្បនិម្មិត វានឹងបំពុលដល់កោសិការបស់ខួរក្បាល។ ៤. ធ្វើឲ្យស្រាវធ្មេញ៖ជាតិអាស៊ីតផូស្វរិច និងស៊ីទ្រិច នឹងធ្វើឲ្យកម្រិតតុល្យភាព pHនៅក្នុងមាត់កើនឡើង ដែលនឹងអាចបំផ្លាញដល់កាចាធ្មេញ។
៥. ធ្វើឲ្យឆាប់ចាស់មុនអាយុ៖ជាតិអាស៊ីតទាំងពីរខាងលើនេះ ក៏អាចធ្វើឲ្យអ្នកមើលទៅចាស់ជាងអាយុ បានផងដែរ។ ៦. មានរោគសញ្ញាមេតាបូលីក៖ការផឹកទឹកសូដាមួយដងក្នុងមួយថ្ងៃ នឹងបង្កើនការប្រឈមនឹងជំងឺមេតាបូលីកដល់ទៅ ៣៦% និងប្រឈមនឹងជំងឺទឹកនោមផ្អែមដល់ទៅ ៦៧%៕សម្រួលអត្ថបទដោយ៖ អ៊ាង សុផល្លែត