សុខភាព និងសម្រស់
រូបភាព
+សម្រស់គឺជារឿងសំខាន់មួយសម្រាប់សុភាពនារីគ្រប់រូប ជាពិសេសនៅពេលនិយាយដល់ស្នាមខ្មៅក្រោមភ្នែក។ ស្នាមខ្មៅនេះធ្វើឱ្យនារីធ្លាក់សម្រស់ ៥០ ភាគរយ នេះមិននិយាយអំពី មុខកើតមុន អមមកជាមួយផងទេ។ 
+ទឹកឃ្មុំ៖ទឹកឃ្មុំត្រូវគេដឹងជាយូរមកហើយថាមានប្រសិទ្ធភាពព្យាបាលស្បែកនិងផ្តល់សំណើមដល់ស្បែក។ លាងជុំវិញភ្នែកឱ្យស្អាត រួចលាបទឹកឃ្មុំលើកន្លែងជាំខ្មៅ ទុកចោល ១០ ទៅ ១៥ នាទី សឹមលាងទឹកចេញ ដោយយកក្រណាត់ទន់ៗមកជូត។ អនុវត្ត ២ ដងក្នុង ១ សប្តាហ៍។
+ស៊ុតស្ងោរ៖ពេលស្ងោស៊ុតឆ្អិនហើយ បកសំបកវាចេញ ហើយរុំស៊ុតទាំងក្តៅក្នុងក្រណាត់មួយ ហើយយកវាមកម៉ាស្សាជុំវិញកន្លែងខ្មៅក្រោមភ្នែក ១០-១៥ នាទី ដើម្បីជំរុញលំហូរឈាមជុំវិញស្បែកក្រោមភ្នែក។ អនុវត្តរាល់ថ្ងៃដើម្បីឆាប់ជាសះស្បើយ។
+ស្អំទឹកកក៖យកក្រណាត់មួយរុំដុំទឹកកកហើយស្អំជុំវិញកន្លែងជាំខ្មៅដើម្បីបន្ថយការហើម និងបំបាត់ស្នាម ហត់ នឿយចេញពីភ្នែករបស់អ្នក។ ធ្វើវាឱ្យបានទៀងទាល់ គឺ ២ ដងក្នុង ១ សប្តាហ៍៕
សម្រួលអត្ថបទដោយ៖ខ្ទឹមស
