សុខភាព និងសម្រស់
រូបភាព
ភាពចាស់ជ្រីវជ្រួញគ្មានមនុស្សស្រីណាចង់បាននោះទេ តែបើអ្នកមានទម្លាប់មិនល្អទាំងនេះនោះវានឹងរត់មករកអ្នកទោះបីមិនទាន់ដល់អាយុក៏ដោយ ៖
១. ជក់បារី ៖ ការជក់បារីគឺជាមូលហេតុទូទៅបំផុតនៃភាពជ្រីវជ្រួញ និង ធ្វើឲ្យអ្នកចាស់មុនអាយុ ព្រោះវាបានទៅបំផ្លាញកោសិកាដែលធ្វើឲ្យកោសិកាចាស់ទ្រុឌទ្រោម។
២. របបអាហារ ៖ បើអ្នកចង់ឲ្យខ្លួនឯងមានភាពស្រស់ស្អាត និង ក្មេងជាងវ័យអ្នកត្រូវយកចិត្តទុកដាក់លើអាហារដែលអ្នកទទួលទាន បើអ្នកជ្រើសរើសមិនត្រឹមត្រូវនោះវាអាចឲ្យអ្នកចាស់ គ្មានភាពស្រស់ថ្លា ហើយធ្វើឲ្យរូបរាងមិនស្រស់ស្អាត។
៣. ផឹកស្រា ៖ ការទទួលទានជាតិអាល់កុលគឺវាទៅបំផ្លាញមិនឲ្យកោសិកាថ្មីលូតលាស់ បាត់បង់សំណើមដែលត្រូវទ្រទ្រង់ដល់ស្បែក និង បង្អាក់សារជាតិចិញ្ចឹមក្នុងស្បែកនិងរាងកាយ។
៤. មិនសម្អាតការ makeup ចេញ ៖ ពេលដែលអ្នកប្រើប្រាស់គ្រឿង makeup ហើយមិនជូតសម្អាតចេញនោះ គឺវាធ្វើឲ្យស្បែកមុខរបស់អ្នកខូច ព្រោះវាទៅបិទរន្ធញើសដែលមិនអាចឲ្យស្បែកមុខបញ្ចេញជាតិពុល ហើយធ្វើឲ្យសារធាតុគីមីជ្រាបចូលស្បែកបានយ៉ាងងាយ
៥. មិនប្រើឡេការពារកម្ដៅថ្ងៃ ៖ ទោះជាធម្មជាតិល្អយ៉ាងណាក៏ដោយក៏មិនអាចទប់ជាប់ពីការបំផ្លាញរបស់កម្ដៅថ្ងៃឡើយ ដូច្នេះអ្នកត្រូវរកឡេការពារកម្ដៅថ្ងៃមកជំនួយ បើមិនអីចឹងទេគឺស្បែកមុខអ្នកនឹងរងការខូចខាត។
៦. គេងមិនបានគ្រប់គ្រាន់ ៖ ជារឿងមួយដែលអ្នកត្រូវយកចិត្តទុកដាក់ បើអ្នកទម្លាប់គេងមិនគ្រប់គ្រាន់នោះគឺអ្នកមិនអាចចៀសផុតពីការចាស់មុនអាយុនោះទេ ហើយស្បែកអ្នកក៏មិនភ្លឺថ្លា និងស្រស់បស់នោះដែរ ដូច្នេះអ្នកគួរតែព្យាយាមគេងឲ្យបានត្រឹមត្រូវ។
ចៀសបានត្រូវតែចៀសព្រោះពេលដែលអ្នកអាក្រក់គ្មានអ្នកណាមករួមចំណែកជាមួយយើងទេ គឺមានតែយើងប៉ុណ្ណោះ៕
អត្ថបទដោយ៖ អ៊ាង សុផល្លែត
