ឱសថបុរាណធម្មជាតិ
រូបភាព
ដើមព្រះក្លប(ព្រះខ្លប,ជើងក្រាប,បន្លាក្រាប,ប្រក្រាប) ប្រហែលជាដើមអស្ចារ្យបំផុតក្នុងពិភពលោក ជាពិសេសនៅពេលនិយាយដល់បញ្ហាសុខភាពដូចជា បញ្ហាតម្រងនោមឬបញ្ហាហើមជាដើម។
ស្លឹករបស់វាអាចប្រើប្រាស់បានច្រើនបំណង មានទាំង ជំងឺចុកចង្កេះ រលាកតម្រងនោម ដុំសាច់ក្រពេញប្រូស្តាត ដុះសាច់ក្នុងស្បូន បញ្ហារលាកច្រមុះ និងជួយព្យាបាលរបួសឆាប់ជាសះស្បើយ។ វាក៏អាចជួយព្យាបាលបញ្ហាគេងមិនលក់ បញ្ហាពោះវៀន និង បញ្ហាជាច្រើនទៀត។
របៀបប្រើស្លឹកព្រះក្លបដើម្បីព្យាបាលជំងឺ៖
១.បំបាត់ហើម៖បុកស្លឹកវាបិតលើកន្លែងហើម អនុវត្តម្តងក្នុងមួយថ្ងៃ។
២.សត្វល្អិតទិចឬខាំ៖បុកស្លឹកវាបិតពីលើមុខរបួស ឬមិនអ៊ីចឹងយកតែទឹករបស់វា លាបពីលើក៏បាន។
៣.របួសហូរឈាម៖យកស្លឹកវាបុកហើយបិតពីលើ។
៤.ឫសដូងបាត៖បុកគ្រាប់វាឱ្យម៉ដ្ត១ស្លាបព្រាកាហ្វេផឹកវាជាមួយទឹកដោះគោឆៅ២ដងក្នុងមួយថ្ងៃ ផឹកឱ្យបាន២ទៅ៣ខែ។
៦.ព្យាបាលទឹកនោមផ្អែម-ផឹកទឹកស្លឹកព្រះក្លប៣០មិល្លីលីត្រ២ដងក្នុងមួយថ្ងៃ
-ឬកិនស្លឹកក្រៀមនិងកិនគ្រាប់វាឱ្យម៉ដ្ត(វាស់ត្រឹម៤ក្រាមទាំងស្លឹកនិងគ្រាប់)ផឹកជាមួយទឹក១កែវ២ដងក្នុងមួយថ្ងៃ។
៧.ព្យាបាលបញ្ហាឈឺតម្រងនោម៖យកស្លឹកវាមកកម្តៅភ្លើង ហើយស្អំត្រង់កន្លែងឈឺ។
៨.ជំងឺហឺត៖ផឹកទឹកស្លឹកព្រះក្លប១៥ មិល្លីលីត្រ ២ ដងក្នុងមួយថ្ងៃ ផឹកឱ្យបាន១៥ថ្ងៃ។
៩.រមាស់ស្បែក៖លាយទឹកស្លឹកព្រះក្លប៤ភាគនិងប្រេងល្ង១ភាគរួចលាបលើស្បែក។
១០.ព្យាបាលជំងឺស្បែកគ្រប់ប្រភេទ
កិនដើមព្រះក្លបទាំងមូល(ទាំងទងស្លឹកគ្រាប់…)រួចពេលងូតទឹកយកវាមកត្រដុសស្បែក។
១១.ព្យាបាលលើសឈាម៖ផឹកទឹកស្លឹកព្រះក្លប១៥មិល្លីលីត្រ ២ដងក្នុងមួយថ្ងៃ។
១២.ព្យាបាលគេងមិនលក់៖បុកស្លឹកព្រះក្លប៥ក្រាមរួចយកវាមកដាំក្នុងទឹកមួយកែវ។ផឹកវាពេលយប់ផឹកឱ្យបាន១៥ថ្ងៃឃើញលទ្ធផលអស្ចារ្យ៕
**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទ៖ អ៊ាង សុផល្លែត
សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។
