ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
វិជ្ជាមេផ្ទះ

ងាយៗវិធីធ្វើបាយដំណើបស្វាយទុំ ឆ្ងាញ់!

06-May-2019 10:39 AM

រូបភាព


ដោយ: Uddam

គ្រឿងផ្សំ: ស្វាយទុំ, អង្ករដំណើប ២៥០ក្រាម, ខ្ទិះដូង ១៥០មីលីលីត្រ, ស្ករស ២០០ក្រាម, អំបិល ១ចុងស្លាបព្រាកាហ្វេ, ស្លឹកតើយ ៣សន្លឹក, គ្រាប់សណ្តែកបាយបករួច ឬ គ្រាប់ល្ង ៣ស្លាបព្រាបាយ (ដាក់ ឬមិនដាក់ក៏បាន)។ សម្រាប់ទឹកខ្ទិះ៖ ខ្ទិះដូង ៨០មីលីលីត្រ, អំបិល ១ចុងស្លាបព្រាកាហ្វេ។

វិធីធ្វើ:

១.យកអង្ករដំណើបលាងទឹក ហើយដាក់ចំហុយ ទុកមួយឡែក

២.ដាក់ឆ្នាំងដាំដាក់ខ្ទិះដូង ស្ករស អំបិលចូល កូរចូលគ្នារម្ងាស់អោយពុះ រួចដាក់ស្លឹកតើយចូល កូរចូលគ្នា ពុះហើយលើកចេញ

៣.បន្ទាប់មកយកបាយដំណើប ស្រោចទឹកខ្ទិះដែលធ្វើហើយចូល រួចច្របល់ចូលគ្នាឲ្យសព្វ ហើយយកទៅដាក់ចំហុយទៀតប្រហែល ២០-៣០នាទី

៤.ធ្វើទឹកខ្ទិះ យកខ្ទិះដូងលាយជាមួយអំបិល កូរចូលគ្នា

៥.រួចរាល់អស់ហើយ ចិតស្វាយទុំរៀបដាក់ចាន ជាមួយបាយដំណើប រួចដាក់គ្រាប់សណ្តែកបាយ ឬគ្រាប់ល្ងពីលើ ហើយស្រោចទឹកខ្ទិះពីលើ រួចជាការស្រេច៕

សម្រួលអត្ថបទដោយ៖ ស្រីពៅ