ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
ឱសថបុរាណធម្មជាតិ

ឱសថធម្មជាតិសម្រាប់ឆ្អឹងខ្សោយងាយពុកផុយពេលចាស់

02-Jul-2018 05:09 PM

រូបភាព


ដោយ: Uddam

ជំងឺពុកឆ្អឹង គឺជាជំងឺដែលធ្វើឲ្យឆ្អឹងផុយស្រួយ ងាយនឹងបាក់។ នៅពេលអាយុលើសពី ៣៥ឆ្នាំ ដង់ស៊ីតេឆ្អឹង ថយចុះ ហើយការបាត់បង់ជាតិឆ្អឹង កើនឡើងយ៉ាងរហ័សចំពោះស្ត្រីក្រោយពេលអស់រដូវ។

-កត្តាប្រឈម នៃជំងឺពុកឆ្អឹង

+ពូជ

+ការមិនសូវធ្វើលំហាត់ប្រាណ

+ខ្វះជាតិកាល់ស្យូម និង វីតាមីន D

+មានប្រវត្តិផ្ទាល់ខ្លួននៃការបាក់ឆ្អឹងនៅពេលពេញវ័យ

+ជក់បារី

+ផឹកស្រាច្រើន

+ប្រវត្តិមានជំងឺសន្លាក់ប្រភេទ rheumatoid arthritis

+ទម្ងន់ខ្លួនស្រាល

+និងមានប្រវត្តិគ្រួសារមានជំងឺពុកឆ្អឺង។

ពេលមានបញ្ហាឆ្អឹង មនុស្សតែងទោរទន់ទៅរកថ្នាំពេទ្យទំនើប ដើម្បីបង្គ្រប់ជាតិកាល់ស្យូមជួយដល់ឆ្អឹង ប៉ុន្តែវិធីនធម្មជាតិក៏អាចជំនួសថ្នាំពេទ្យបានដែរ ហើយថែមទាំងជួយបណ្តុះឆ្អឹងខ្ចីឡើងវិញទៀតផង។

ខាងក្រោមនេះជារូបមន្តឱសថធម្មជាតិសម្រាប់ឆ្អឹងខ្សោយងាយពុកផុយពេលចាស់៖

គ្រឿងផ្សំ៖
-ខ្ជាយ ១មើម


-ទឹកឃ្មុំ ២ស្លាបព្រាកាហ្វេ
-ក្រូចឆ្មារ ២ផ្លែ


វិធីធ្វើ៖
-លាងខ្ជាយឱ្យស្អាត
-កិន ឬបុកឱ្យម៉ដ្ឋ រួចពូតយកទឹក


-យកទឹកខ្ជាយដែលបានពូតខាងលើលាយជាមួយទឹកឃ្មុំ និងក្រូចឆ្មារ
-កូរឱ្យសព្វ។


វិធីប្រើប្រាស់៖
-ទទួលទានពីរបីដងក្នុងមួយសប្តាហ៍
-ពិសេសស្ត្រីចាប់ពីវ័យកណ្តាលឡើងទៅ ដើម្បីការពារឆ្អឹង និងជួយពង្រឹងឱ្យឆ្អឹងរឹងមាំ។

ដើម្បីសុខភាពឆ្អឹងរបស់លោកអ្នក លោកអ្នកគួរតែបញ្ឈប់ការជក់បារី និងផឹកស្រា ពិសេសធ្វើលំហាត់ប្រាណទៀងទាត់។

*សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទដោយ៖ អ៊ាង សុផល្លែត