ឱសថបុរាណធម្មជាតិ
អំពិលមិនត្រឹមតែមានអត្ថប្រយោន៍ជាច្រើនប៉ុណ្ណោះទេ តែក៏ជាឱសថព្យាបាលជំងឺមួយចំនួនបានផងដែរ
រូបភាព
រុក្ខជាតិ ៖ អំពិល។ អំពិលមិនត្រឹមតែគេយកមកហូបផ្លែប៉ុណ្ណោះទេ វាក៏ជាគ្រឿងផ្សំម្ហូបអាហារមួយប្រភេទដែលផ្តល់ឱជារសកាន់តែឆ្ងាញ់ ជាពិសេសការបង្កើនជារសជាតិជូរតែម្តង។ វាសម្បូរជាតិសរសៃ ជាតិរ៉ែ និងវីតាមីនជាច្រើនផងដែរ។ ក្រៅពីនេះវាក៏ជាំឱសថព្យាបាលជំងឺមួយចំនួន និងមានអត្ថប្រយោជន៍ជាច្រើនទៀត។ ខាងក្រោមនេះយើងនឹងបង្ហាញអ្នកពីការប្រើប្រាស់ និងការព្យាបាល៖
ផ្នែកប្រើប្រាស់៖ គេប្រើផ្លែ សម្បកដើម ស្លឹក។ គេប្រើផ្លែទុំ បកសម្បក និងយកសរសៃក្នុងផ្លែ និងគ្រាប់ចេញ។
កន្លែងដាំដុះ៖ ជារុក្ខជាតិដុះដោយខ្លួនឯង និងគេដាំយកផ្លែ។
ការព្យាបាល៖
-សាច់ផ្លែទុំ ប្រើក្នុងករណីថ្លើមខ្សោយ ពិបាករំលាយអាហារ ទល់លាមក។
-សាច់ឈើនៃដើម សម្រាប់បញ្ចុះទឹកនោម និងបន្ទន់លាមក។
-សម្បកដើម សម្រាប់ព្យាបាលរាក និងរលាកអញ្ចាញធ្មេញ។
-ស្លឹក សម្រាប់ព្យាបាលកមរមាស់។
កំរិត និងរបៀបប្រើ៖
-ប្រើកំរិត ៤០-១២០ក្រាម ក្នុងមួយថ្ងៃ ប្រើលាយស្ករ។
-សាច់ឈើនៃដើម ប្រើដាំផឹក។
-សម្បកដើម ដាំផឹក និងបៀម។
-ស្លឹក ស្ងោរលាយអំបិលបន្តិច។
*សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទដោយ៖ អ៊ាង សុផល្លែត
ឯកសារយោង៖ មជ្ឈមណ្ឌលជាតិស្រាវជ្រាវវេជ្ជសាស្រ្តបូរាណ
