សុខភាព និងសម្រស់
រូបភាព
យើងគ្រប់គ្នាដឹងហើយថា សារីគឺជា ផ្លែឈើម្យ៉ាង ដែលផ្តល់អត្ថប្រយោជន៍ ច្រើន ជាងផ្លែឈើ ដទៃ ព្រោះសារី ជាប្រភព ផ្ទុកទៅដោយសារធាតុ វីតាមីនជាច្រើន ដូចជា វីតាមីន អា, សេ, អឺ, ទឹកអាស៊ីតហ្វូលិក, Niacin (B3), ស្ពាន់ និង សារធាតុ Boron។ក្រៅពីនេះ វាសម្បូរទៅដោយសាច់ និងជាតិសរសៃដែលមានតួនាទីដ៏សំខាន់បំផុតចំពោះប្រព័ន្ធរំលាយអាហារ។ដោយឡែក ប្រសិនបើយើងយកវាមកក្រឡុក ទទួលទាន នោះអត្ថប្រយោជន៍របស់វាគឺកាន់តែល្អឡើង។ទទួលទានទឹកផ្លែសារីក្រឡុកមួយកែវ អ្នកនឹងទទួលបានផលល្អដូចជា៖
កាត់បន្ថយការប្រឈមនឹងជំងឺបេះដូង-សរសៃឈាម៖ទឹកផ្លែសារីក្រឡុកមួយកែវ ជួយកាត់បន្ថយការប្រឈមនឹងជំងឺក្រិនរឹងសរសៃឈាម, ដាច់សរសៃឈាមខួរក្បាល និងជំងឺបេះដូង។វាជាប្រភពដ៏ល្អមួយនៃអាហារសរសៃ, វីតាមីន C និង វីតាមីន Kដែលជួយ ទប់ស្កាត់រ៉ាឌីកាល់សេរីកុំអោយបង្កើតបានក្នុងសិរីរាងកាយ ដូច្នេះហើយវាក៏អាចកាត់បន្ថយការប្រឈមនឹងជំងឺបេះដូង និងដាច់សរសៃឈាមខួរក្បាលបាន។
ល្អចំពោះពោះវៀនធំ៖ទឹកផ្លែសារីក្រឡុក នឹងផ្តល់នូវជាតិសរសៃ ១៨ភាគរយនៃតម្រូវការជាតិសរសៃប្រចាំថ្ងៃ។ដូច្នេះវាអាចជាភ្នាក់ងារដ៏ខ្លាំងក្លាយសម្រាប់សុខភាព និងមុខងារប្រព័ន្ធរំលាយអាហារ។វាធ្វើអោយការបន្ទោបង់មានភាពទៀងទាត់ និងកាត់បន្ថយឱកាសនៃការទល់លាមក ព្រមទាំងរាគផងដែរ។
ប្រឆាំងជម្ងឺមហារីក៖គុណសម្បតិ្តនៃការទទួលទានទឹកផ្លែសារីក្រឡុក គឺជួយប្រឆាំងនឹងជំងឺ មហារីក ដូចជា មហារីក បំពង់អាហារ, មហារីក សុដន់, មហារីក ក្រពះ និងមហារីក ពោះវៀនធំ។
ការពារជម្ងឺពុកឆ្អឹង៖ទឹកផ្លែសារីក្រឡុក មានសារធាតុ Boron ជួយអោយរាងកាយ រក្សានូវ ជាតិកាល់ស្យូម និងការពារពី ជំងឺពុកឆ្អឹង ទៀតផង៕សម្រួលអត្ថបទដោយ៖ខ្ទឹមស