សុខភាព និងសម្រស់
រូបភាព
តម្រងនោមមានតួនាទីបញ្ចេញជាតិពុលពីក្នុងខ្លួន ហើយអ្នកដែលប្រឈមមុននឹងជំងឺខ្សោយតម្រងនោមអាចធ្វើឲ្យសុខភាពទ្រុឌទ្រោម និងស្រុតចុះជាលំដាប់។ ការកកស្ទះក្នុងពេលបញ្ចេញជាតិពុល និងការរអាក់រអួលអាចធ្វើឲ្យអ្នកជំងឺមានការលំបាកយ៉ាងខ្លាំង។ ជំងឺខ្សោយតម្រងនោម គឺជាការថយចុះនូវភារកិច្ចបញ្ចេញជាតិពុលចេញពីក្នុងខ្លួន។ ការថយចុះមានពីរយ៉ាង គឺការថយចុះបន្តិចៗម្តង និងការថយចុះយ៉ាងឆាប់រហ័ស។
ជំងឺតម្រងនោម ចែកជាពីរប្រភេទ៖
១.ជំងឺខ្សោយតម្រងនោមស្រួចស្រាវ
២.ជំងឺខ្សោយតម្រងនោមរាំរ៉ៃ
រោគសញ្ញានៃជំងឺខ្សោយតម្រងនោម៖
-ចង់ក្អួត
-ទឹកនោមរបស់អ្នកមានពពុះ (foamy)
-ការបាត់បង់នៃចំណង់អាហារ
-អស់កម្លាំង និងហេវហត់ខ្សោយ
-មានបញ្ហានៃការគេង
-មានអារម្មណ៍ថាមានការនោមញឹកញាប់
-ហើមជើង និងហើមកជើង
-អ្នកមានស្បែកស្ងួត និងរមាស់ជាប្រចាំ
-ឈឺទ្រូង (បើសិនមានទឹកដក់នៅស្រទាប់នៃបេះដូង)
មូលហេតុ និងកត្តាប្រឈមមុខនៃជំងឺខ្សោយតម្រងនោម៖
-បណ្តាលពីជំងឺទឹកនោមផ្អែម
-ជំងឺលើសសម្ពាធឈាម
-ជំងឺបេះដូង និងសរសៃឈាម
-អ្នកពិសាបារី
-ជំងឺធាត់
-អាយុវ័យចាស់
-ជំងឺរលាកតម្រងនោម interstial nephritis
-ការឆ្លងមេរោគនៅប្រព័ន្ធបន្តពូជញឹកញាប់ (recurrent kidney infection)។
*សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់។
សម្រួលអត្ថបទដោយ៖ ស្រីពៅ