ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
ឱសថបុរាណធម្មជាតិ

វិធី៨យ៉ាងអាចកម្ចាត់ស្នាមសង្វារបានរហ័ស

17-May-2019 04:11 PM

រូបភាព


ដោយ: Uddam

ខាងក្រោមនេះជាវិធីសាស្ត្រព្យាបាលស្នាមសង្វារលឿនរហ័ស៖

ហេតុផលចម្បងដែលធ្វើឱ្យមានស្នាមសង្វារនៅលើស្បែក គឺបណ្តាលមកពីបាត់បង់ភាពរឹតបន្តឹងស្បែក។ លក្ខខណ្ឌមួយចំនួនទៀតបណ្តាលមកពីផ្តល់សម្ពាធបន្ថែមទៅលើស្បែករបស់អ្នកដូចជា ការសម្រកទម្ងន់ភ្លាមៗ រាងកាយលូតលាស់ភ្លាមៗនៅក្នុងវ័យជំទង់ និងពេលមានផ្ទៃពោះ ពេលខ្លះក៏អាចបណ្តាលមកពីការធ្វើលំហាត់ប្រាណផងដែរ។ នៅក្នុងលក្ខខណ្ឌទាំងនេះ អ្នកនឹងមានស្នាមក្រហមនៅលើស្បែករបស់អ្នក។ ស្នាមនេះភាគច្រើនកើតចំពោះស្ត្រី។ ស្នាមសង្វារមិនអាចបាត់ទៅវិញដោយឯកឯងឡើយ អ្នកត្រូវព្យាបាលវាឱ្យបានត្រឹមត្រូវ។ ជារឿងធម្មជាតិ ស្នាមសង្វារនេះកើតចំពោះស្ត្រីនៅក្នុងពេលវេលាណាមួយ ប៉ុន្តែវាបានធ្វើឱ្យស្បែករបស់អ្នកអាក្រក់មើល។

Image may contain: one or more people and closeup

រូបមន្តទី១៖ លាយស្ករស ទឹកក្រូចឆ្មារ និងប្រេងគ្រាប់ធញ្ញជាតិអាល់ម៉ុន
ស្ករសត្រូវបានប្រើដើម្បីជម្រះកោសិកាងាប់ៗនៅលើស្បែក។ នេះជាវិធីសាមញ្ញមួយដើម្បីបំបាត់ស្នាមសង្វារ។ យកស្ករស១ស្លាបព្រាកាហ្វេ និងបន្ថែមទឹកក្រូចឆ្មា១ដំណក់ ហើយប្រេងគ្រាប់ធញ្ញជាតិអាល់ម៉ុន១ស្លាបព្រាកាហ្វេចូល។ រួចកូរវាឱ្យសព្វចូលគ្នា ហើយលាបលើស្នាមសង្វារ ត្រូវលាបថ្នមៗ ទុករយៈពេល ៥ ទៅ ១០នាទី។ ធ្វើវិធីនេះត្រូវប្រើរហូតដល់ស្នាមត្រូវបាត់អស់។

Image may contain: drink

រូបមន្តទី២៖ចំណិតដំឡូងបារាំង
ដំឡូងបារាំងសម្បូរទៅដោយវីតាមីនជាច្រើន រួមទាំងសារធាតុខនិជ កាល់ស្យូម ស័ង្កសី និងផូស្វ័រឺ។ វាអាចជួយឱ្យកោសិកាស្បែកលូតលាស់ឡើងវិញ។ វិធីនេះត្រូវចំណាយតិចបំផុត ហើយជាវិធីព្យាបាលស្នាមសង្វារសាមញ្ញៗ។ យកបន្ទះដំឡូងបារាំង មកជូតថ្នមៗលើស្នាមសង្វាររយៈពេល ២ ទៅ ៣នាទី។ នៅពេលទឹកដំឡូងបារាំងនេះស្ងួត លាងសម្អាតស្បែកនឹងទឹកក្តៅឧណ្ឌៗ។

Image may contain: food

Image may contain: food

រូបមន្តទី៣៖ទទួលទានទឹកឱ្យបានគ្រប់គ្រាន់
ទឹកជាប្រភពនៃអុកស៊ីសែន និងសារធាតុចិញ្ចឹមសម្រាប់គ្រប់ផ្នែកទាំងអស់នៃរាងកាយ។ ការទទួលទានទឹកឱ្យបានគ្រប់គ្រាន់អាចជួយការពារស្បែកពីបញ្ហាផ្សេងៗ។ ដើម្បីការពារស្នាមសង្វារ ត្រូវផ្តល់ជាតិទឹកដល់ស្បែក ដើម្បីកម្ចាត់ជាតិពុលចេញពីរន្ធញើស។ ទទួលទានទឹកឱ្យបាន ១០ ទៅ ១២ កែវក្នុង១ថ្ងៃ នោះរាងកាយនឹងមានជាតិទឹកល្អ។

Image may contain: drink and water

រូបមន្តទី៤៖លាបប្រេងអូលីវក្តៅៗ
នេះជាវិធីព្យាបាលស្នាមសង្វារដ៏ល្បីល្បាញមួយ។ វាមានផ្ទុកនូវសារធាតុអុកស៊ីតកម្ម និងសារធាតុចិញ្ចឹមច្រើនបំផុត។ ប្រេងនេះមានប្រសិទ្ធិភាពយ៉ាងខ្លាំង អាចព្យាបាលស្នាមសង្វារបាន។ យកប្រេងអូលីវក្តៅឧណ្ឌៗ លាបលើស្នាម ហើយម៉ាស្សាថ្នមៗ វានឹងជួយបង្កើនចរាចរណ៍ឈាម ហើយកាត់បន្ថយស្លាកស្នាម។ បន្តធ្វើវិធីនេះឱ្យបានទៀងទាត់ ដើម្បីអាចទទួលបានលទ្ធផលល្អបំផុត។

No photo description available.

រូបមន្តទី៥៖ទឹកក្រូចឆ្មារ
ក្រូចឆ្មាមានផ្ទុកនូវភ្នាក់ងារជម្រះពណ៌។ វិធីនេះមានប្រសិទ្ធិភាពយ៉ាងខ្លាំង ជួយកាត់បន្ថយស្នាមសង្វារ។ វត្តមានអាស៊ីតនៅក្នុងក្រូចឆ្មានឹងជួយព្យាបាលស្លាកស្នាម។ ច្របាច់ក្រូចឆ្មាយកទឹក លាបលើស្នាមហើយម៉ាស្សាជារង្វង់រយៈពេល ៣០នាទី បន្ទាប់មកលាងសម្អាតនឹងទឹកក្តៅឧណ្ឌៗ។ អ្នកក៏អាចលាយទឹកត្រសក់បន្ថែមក៏បានដែរ។

Image may contain: drink

រូបមន្តទី៦៖លាបស៊ុតស
ស៊ុតមានផ្ទុកនូវប្រូតេអ៊ីនជាច្រើនផ្សេងគ្នា។ ស៊ុតសជាប្រភពនៃវីតាមីន A និងសរសៃទឹកប្រូតេអ៊ីន ដូច្នេះវាមានប្រសិទ្ធិភាពយ៉ាងខ្លាំងក្នុងការព្យាបាលស្នាមសង្វារ និងស្លាកស្នាម។ ចម្រាញ់យកស៊ុតស ដោយយកស៊ុតលឿងចេញ។ បន្ទាប់មកកូរវាឱ្យសព្វដោយប្រើសម រួចលាបនៅលើស្លាកស្នាម។ ទុកវាឱ្យស្ងួតរយៈពេល១៥នាទី ហើយលាងសម្អាងនឹងទឹកក្តៅ។

Image may contain: drink

រូបមន្តទី៧៖លាបសាច់ប្រទាលកន្ទុយក្រពើ
អត្ថប្រយោជន៏នៃប្រទាលកន្ទុយក្រពើមានការពេញនិយមបំផុតនៅក្នុងការថែរក្សាស្បែក។ វាសម្បូរទៅដោយជាតិសរសៃប្រូតេអ៊ីនដែលអាចជួសជុលស្បែកមនុស្ស។ សាច់ប្រទាលនេះអាចជួយព្យាបាលស្នាមសង្វារបានយ៉ាងល្អ។ ចម្រាញ់យកសាច់ចេញពីប្រទាលកន្ទុយក្រពើ រួចយកទៅលាបដោយផ្ទាល់លើកន្លែងមានស្លាកស្នាមលើរាងកាយ ហើយម៉ាស្សាថ្នមៗ ទុកវាឱ្យស្ងួតរយៈពេល ២-៣នាទី រួចលាងសម្អាតនឹងទឹកក្តៅឧណ្ឌៗ។

Image may contain: food

រូបមន្តទី៨៖លាបប្រេងដើមតែ
ប្រេងនេះមានផ្ទុកនូវសារធាតុប្រឆាំងនឹងការរលាក និងសារធាតុប្រឆាំងនឹងវីរុស។ វាមានប្រសិទ្ធិភាពជួយព្យាបាលការឈឺចាប់លើស្បែកគ្រប់ប្រភេទ។ យកប្រេងដើមតែបន្តិច រួចម៉ាស្សាថ្នមៗលើស្នាមសង្វារ។ បន្តវិធីព្យាបាលនេះរយៈពេល១ខែ៕

Image may contain: plant

សម្រួលអត្ថបទដោយ៖ កូនផ្កាម្លិះ