វិធីបណ្តុះពូជក្រូចឆ្មារដោយប្រើស្លឹក

733

វិធីធ្វើ
– កាត់ស្រកីដូងដែលមានរាងមូលទ្រវែងដែលមានមុខកាត់២,៥-៣សង់ទីម៉ែត្រ និងប្រវែងប្រមាណ៦សង់ទីម៉ែត្រ រួចជ្រលក់ក្នុងទឹកទុកឲ្យសើមជោគ។
– យកកៅស៊ូចងព័ទ្ធជុំវិញស្រកីដូងដែលជ្រលក់រួចនោះ រួចចោះរន្ធខាងលើសម្រាប់ដាក់បណ្តុះ។
– កាត់ស្លឹកក្រូចដែលខ្ចីល្មម (មិនយកចាស់ពេក) ដោយទុកមែកដែលជាប់ស្លឹកនោះប្រមាណ២សង់ទីម៉ែត្រ។
– កាត់ស្លឹកចេញពាក់កណ្តាលខាងលើចោល ដើម្បីកាត់បន្ថយការខ្សោះជាតិទឹក។
– យកកាំបិតឆូតបណ្តោយលើមែកដែលជាប់ស្លឹកនោះ២ឬ៣ឆ្នូត ដើម្បីជួយឲ្យវាមានចន្លោះដុះឬសចេញមកបានច្រើន បន្ទាប់មកជ្រលក់វាក្នុងទឹកថ្នាំជំនួយបន្តិច។
– យកមែកដែលជាប់ស្លឹកក្រូចនោះមកដោតចូលក្នុងរន្ធស្រកីដូងដែលរៀបចំរួច។
– យកស្លឹកក្រូចដែលរៀបបណ្តុះរួចដាក់ក្នុងកញ្ច្រៀងជាមួយគ្នា រួចដាក់វាចូលក្នុងរោងមួយដែលអាចសង់នៅក្រោមម្លប់ដើមឈើ មានថង់ប្លាស្ទិចព័ទ្ធជុំវិញបិទជិត និងរៀបចំប្រព័ន្ធចំហាយទឹកសម្រាប់បាញ់ស្រោចពីលើ។
– ធ្វើការបើកចំហាយទឹកផ្តល់ឲ្យវាក្នុង១ថ្ងៃ៣ដង ព្រឹក ថ្ងៃ ល្ងាច ក្នុង១ដង១០នាទី។
– រយៈពេល១ខែវានឹងចាប់ផ្លើមចេញឬស
ហើយយើងអាចយកវាទៅបណ្តុះក្នុងថង់ប្លាស្ទិច២-៣ខែក្រោយមកយើងអាចយកទៅដាំបាន។
– ការបណ្តុះដោយប្រើស្លឹកបែបនេះវាមានអត្ថប្រយោជន៍អាចបានកូនច្រើនជាងការផ្សាំមែករបស់វា។
ប្រភព៖ nokornews
សម្រួលអត្ថបទដោយ៖ អ៊ាង សុផល្លែត

SHARE

LEAVE A REPLY

Please enter your comment!
Please enter your name here