វិធីធ្វើសាច់មាន់ឆាម្រះព្រៅ!

140

គ្រឿងផ្សំ៖

– សាច់មាន់ (សាច់ទ្រូង ឬ សាច់ភ្លៅ) ២០០ក្រាម កាត់ជាដុំតូចល្មម

 

– ម្ទេស ៧-១០គ្រាប់ និង ខ្ទឹមស ៥-៧កំពឹស (តាមចំណង់ចំណូលចិត្ត)

– ស្លឹកម្រះព្រៅ មួយដៃ

– ទឹកប្រេងខ្យង ១ស្លាបព្រាកាហ្វេ

– ទឹកស៊ីអ៊ីវ និង ស្ករស មួយមុខ កន្លះស្លាបព្រាកាហ្វេ

– ទឹកស៊ីអ៊ីវខាប់បន្តិច

 

វិធីធ្វើ៖

១.​ យកខ្ទឹមសបកសំបក ហើយបុកចូលក្នាជាមួយម្ទេស ទុកមួយឡែក

 

២. ដាក់ប្រេងឆាចូលខ្ទះឲ្យក្តៅ រួចដាក់ខ្ទឹមដែលបុកជាមួយម្ទេសចូល ឆាច្របល់កុំឲ្យក្រៀមពេក ហើយដាក់សាច់មាន់ចូល ឆាត្រលប់ប្រហែល ២-៣នាទី ឲ្យសាច់ឆ្អិនល្មម

 

៣. ដាក់គ្រឿង ទឹកប្រេងខ្យង ទឹកស៊ីអ៊ីវ ស្ករសចូល និងទឹកស៊ីអ៊ីវខាប់ចូលបន្តិច ឆាច្របល់ចូលគ្នាឲ្យសព្វ

រួចដាក់ស្លឹកម្រះព្រៅចូល ឆាចូលគ្នា ៤-៥ត្រលប់ ឆ្អិនហើយដួសដាក់ចានជាការស្រេច។

*ទទួលទានជាមួយបាយក្តៅៗ ថែមជាមួយនឹងស៊ុតចៀនទៀត កាន់តែឆ្ងាញ់។

 

សម្រួលអត្ថបទដោយ៖ កូនពៅ

SHARE

LEAVE A REPLY

Please enter your comment!
Please enter your name here