វិធីធ្វើសម្លរតុងយ៉ាំបង្គា!

129

គ្រឿងផ្សំ៖

– បង្គា ៣០០ក្រាម

– ទឹក ៦០០មីលីលីត្រ ឬ ២ចានគោម

 

– ខ្ទិះដូង ១២៥មីលីលីត្រ ឬ កន្លះកូនចាន

– ផ្សិត ១០០ក្រាម ឬ ៥-៧ដុំ (មួយកាត់ជាពីរ)

 

– គល់ស្លឹកគ្រៃ រំដេង ខ្ទឹមក្រហម ហាន់ស្តើងៗល្មម និងស្លឹកក្រូចសើច

– ទឹកក្រូចឆ្មា ២-៣ស្លាបព្រាបាយ

– ទឹកត្រី ៣ស្លាបព្រាបាយ

 

– ម្ទេសឆា ១-២ស្លាបព្រាបាយ

– ម្ទេសហាន់ ៣-៥គ្រាប់ តាមចំណងចំណូលចិត្ត (ដាក់ក៏បានមិនដាក់ក៏បាន)

 

វិធីធ្វើ៖

១​. យកឆ្នាំងដាក់ទឹក ហើយដាក់គល់ស្លឹកគ្រៃ រំដេង ខ្ទឹមក្រហម និងស្លឹកក្រូចសើចចូល ទុកឲ្យពុះប្រហែល ៥នាទី

 

២. ដាក់បង្គា និងផ្សិតចូល ទុកឲ្យបង្គា និងផ្សិតឆ្អិនបន្តិច

 

៣. ដាក់គ្រឿងចូល ម្ទេសឆា ទឹកក្រូចឆ្មា ទឹកត្រី ខ្ទិះដូងចូល កូរចូលគ្នាឲ្យសព្វចូលជាតិ ឆ្អិនហើយដួសដាក់ចានជាការស្រេច។

 

ពេលទទួលទានចាំដាក់ម្ទេស ហើយក៏អាចច្របាច់ក្រូចឆ្មាចូលបន្ថែម តាមចំណង់ចំណូលចិត្ត។

 

សម្រួលអត្ថបទដោយ៖ កូនពៅ

SHARE

LEAVE A REPLY

Please enter your comment!
Please enter your name here