វិធីធ្វើសម្លរការីខៀវសាច់មាន់!

220

គ្រឿងផ្សំ៖

– សាច់មាន់ ៣៥០ក្រាម ហាន់ស្តើងៗល្មម (សាច់ទ្រូង សាច់ភ្លៅ តាមចំណងចំណូលចិត្ត)

– ខ្ទិះដូងដើម ១កូនចានចង្កឹះ និងខ្ទិះចុង ២កូនចានចង្កឺះ

 

– ត្រប់ស្រួយ ៥-៧ផ្លែ ពុះជា៤

– ត្រប់ពុតលំញង ៤០ក្រាម

– ស្លឹកក្រូចសើច ៣-៤សន្លឹក ហែកជាចំនែកល្អិតៗ

– ស្លឹកជីនាងវង ១ក្តាប់ដៃ

 

– ម្ទេសហាន់ (តាមចំណងចំណូលចិត្ត)

– ទឹកត្រី ២ស្លាបព្រាបាយ
– ស្ករ ១ស្លាបព្រាបាយ

– ទឹក ១កូនចានចង្កឹះ

 

– គ្រឿងបុក ២ស្លាបព្រាបាយ (គល់ស្លឹកគ្រៃហាន់ស្តើងៗ ២ស្លាបព្រាបាយ សម្បកក្រូចសើច ១ស្លាបព្រាកាហ្វេ រំដេងចិញ្រ្ចាំ ១ស្លាបព្រាបាយ ខ្ទឹមស ១០កំពិស ខ្ទឹមក្រហម ៣ដុំ កាពិ ១ស្លាបព្រាកាហ្វេ ជីវ៉ាន់ស៊ុយហាន់ល្អិតៗ កន្លះកូនចានចង្កឹះ ម្ទេសខៀវ ១៥គ្រាប់ ម្រេចសលីង ១ស្លាបព្រាកាហ្វេ គ្រាប់ល្ងលីង កន្លះស្លាបព្រាកាហ្វេ  គ្រាប់ការីលីង កន្លះស្លាបព្រាកាហ្វេ បុកចូលគ្នាឲ្យម៉ត់)

វិធីធ្វើ៖
១. ដាំឆ្នាំងឲ្យក្តៅ រួចដាក់ខ្ទិះដើម និងគ្រឿងបុកចូល ច្របល់ចូលគ្នាឲ្យសព្វ ប​ន្ទាប់មកដាក់សាច់មាន់ចូលច្របល់ចូលគ្នាប្រហែល ២-៣នាទី

 

២. ដាក់ត្រប់ស្រួយ ខ្ទិះចុង និងទឹកចូល ទុករម្ងាស់ប្រហែល ១០នាទី ដើម្បីឲ្យសាច់ឆ្អិនល្អ

 

៣. ដាក់ត្រប់ពុតលំញង ស្លឹកក្រូចសើច ម្ទេសហាន់ចូល កូរចូលគ្នាប្រហែល ២-៣នាទី រួចភ្លក់មើលល្មមតាមចំណងចំណូលចិត្ត អាចថែមអំបិលបន្តិចក៏បាន

 

៤. ចាំពេលរៀបញ៉ាំ ចាំដាក់ស្លឹកជីនាងវងចូល រួចដួសដាក់ចានជាការស្រេច។

 

សម្រួលអត្ថបទដោយ៖ កូនពៅ

SHARE

LEAVE A REPLY

Please enter your comment!
Please enter your name here