វិធីធ្វើសម្លប្រហើរកូនកាត់ ឆ្ងាញ់អស់ទាស់!

166

គ្រឿងផ្សំ៖ បង្គា ៣៥០ក្រាម (បកសំបកស្អាត), បន្លែមាន ល្ពៅ ស្នៀតពោត ននោង ស្លឹកបាស ផ្សិតចំបើង ត្រលាច ជីរនាងវង…(តាមចំណូលចិត្ត), ខ្ទឹមក្រហម ៣-៥ដុំ, ម្រេច ១ស្លាបព្រាកាហ្វេ, កាពិ ១ស្លាបព្រាកាហ្វេ, ទឹកត្រី ៣ស្លាបព្រាបាយ, ស្ករស ១ស្លាបព្រាបាយ, ទឹក ៣កូនចាន។

វិធីធ្វើ៖

១.ដាក់ម្រេចបុកជាមួយខ្ទឹមក្រហម និងកាពិ បុកអោយម៉ត់ចូលគ្នា

២.ដាំឆ្នាំងដាក់ទឹកចូលដាំអោយពុះ រួចដាក់គ្រឿងដែលបុកហើយចូល ទុកមួយរំពុះ ហើយដាក់បន្លែ ចូល ល្ពៅ ស្នៀតពោត ននោង ស្លឹកបាស ផ្សិតចំបើង ត្រលាច ជីនាងវង

៣.បន្ទាប់មកដាក់បង្គាចូល ច្របល់ចូលគ្នា រម្ងាស់អោយពុះ ហើយដាក់ទឹកត្រី ស្ករស ច្របល់ចូលអោយសព្វ ឆ្អិនហើយដួសដាក់ចានជាការស្រច។

*នេះជាវិធីធ្វើមួយបែប ដែលយើងខ្ញុំបានបង្ហាញប្រាប់ ហើយសម្លរប្រហើរកូនកាត់នេះ ក៏មិនខុសពីសម្លរប្រហើរយើងធម្មតាប៉ុន្មានដែរ គ្រាន់តែខុសតិចតួច និងធ្វើទៅតាមចំណូលចិត្ត៕

សម្រួលអត្ថបទដោយ៖ ស្រីពៅ

SHARE

LEAVE A REPLY

Please enter your comment!
Please enter your name here