វិធីធ្វើបង្គាឆាគ្រឿងការីខៀវ!

83

គ្រឿងផ្សំ៖

-បង្គា ១០-១៥ បកសំបកឲ្យស្អាត

-គ្រឿងការីខៀវ ២ស្លាបព្រាបាយ

-ត្រប់ស្រួយ ៣ផ្លែ កាត់ជាដុំ ឬបន្ទះស្តើងៗល្មម ឬត្រប់ពុតលំញង (តាមចំណង់ចំណូលចិត្ត)

-ស្លឹកក្រូចសើច ៤-៥សន្លឹក

-ម្ទេសហាន់ ៣-៤គ្រាប់

-ជីរនាងវង ៥០ក្រាម

-ទឹកត្រី ២ស្លាបព្រាបាយ

-ស្ករ ១ចុងស្លាបព្រាកាហ្វេ

វិធីធ្វើ៖

១.ដាក់ប្រេងឆាចូលខ្ទះទុកឲ្យក្តៅ រួចដាក់គ្រឿងការីខៀវចូល ឆាច្របល់ ២-៣ត្របល់ ហើយដាក់ទឹកធម្មតាចូលបន្តិច ឆាច្របល់ឲ្យសព្វ

 

២.រួចដាក់បង្គាចូល ឆាច្របល់ជាមួយគ្រឿងឲ្យសព្វ ហើយដាក់ត្រប់ស្រួយចូល បេះស្លឹកក្រូចសើចដាក់ចូល និងម្ទេសចូល ឆាច្របល់ចូលគ្នាឲ្យសព្វ

 

៣.បន្ទាប់មកដាក់ស្ករ ទឹកត្រីចូល ឆាច្របល់ចូលគ្នាឲ្យសព្វ រួចភ្លក្សមើលល្មម ហើយដាក់ស្លឹកជីរនាងវងចូល ឆា ៣-៤ត្រលប់ទៀត ឆ្អិនហើយដួសដាក់ចានជាការស្រេច។

 

សម្រួលអត្ថបទដោយ៖ ស្រីពៅ

SHARE

LEAVE A REPLY

Please enter your comment!
Please enter your name here