ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
វិជ្ជាមេផ្ទះ

វិធីធ្វើឆាក្តៅសាច់មាន់ ឆ្ងាញ់អស់ទាស់!

03-May-2019 11:52 AM

រូបភាព


ដោយ: Uddam

គ្រឿងផ្សំ៖ សាច់មាន់ ២០០ក្រាម កាប់ជាដុំៗល្មម, គ្រឿងការី ១ស្លាបព្រាបាយកន្លះ, កាពិ ១ស្លាបព្រាកាហ្វេ, ម្សៅការី ​១ស្លាបព្រាបាយ, ទឹកត្រី ១ស្លាបព្រាបាយ, ស្ករ ១ស្លាបព្រាកាហ្វេ, ទឹក កន្លះកូនចាន, ស្លឹកម្រះព្រៅ ស្លឹកក្រូចសើច និងស្លឹកខ្ទឹមហាន់។

វិធីធ្វើ៖

១.ដាំខ្ទះដាក់ប្រេងឆាចូលឲ្យក្តៅ រួចដាក់គ្រឿងការី និងកាពិចូល ឆាចូលគ្នាឲ្យសព្វ ហើយដាក់សាច់មាន់ចូល ឆាច្របល់ចូលគ្នាឲ្យសព្វគ្រឿងល្អឲ្យសាច់ជិតឆ្អិន

២.បន្ទាប់មកដាក់ម្សៅការីចូលឆាចូលគ្នា រួចដាក់ទឹកចូល ឆាច្របល់ចូលគ្នា ទុកមួយរំពុះ ហើយដាក់ទឹកត្រី និងស្ករចូល ឆាចូលគ្នាឲ្យសព្វ

៣.រួចហើយដាក់ស្លឹកម្រះព្រៅ ស្លឹកក្រូចសើច និងស្លឹកខ្ទឹមចូលឆា ៤-៥ត្រលប់ទៀត ឆ្អិនជាការស្រេច៕

សម្រួលអត្ថបទដោយ៖ ស្រីពៅ