សុខភាព និងសម្រស់
រូបភាព
ស្រីៗគ្មានខ្លាចអីជាងដុះក្បាលពោះទេ ព្រោះបើមានក្បាលពោះហើយ ស្លៀកពាក់អីក៏មិនសមដែរ។ ក្បាលពោះរាបស្មើមើលទៅសិចស៊ីជាបំណងប្រាថ្នាធំ តែពេលខ្លះទោះខំតមផង ខំផឹកភេសជ្ជៈសម្រកផងក៏គ្មានប្រសិទ្ធភាព។ខាងក្រោមនេះជាហេតុផលមួយចំនួនដែលអ្នកកំពុងធ្វើដោយមិនចាប់អារម្មណ៍ថាវានាំឲ្យធាត់សោះ។
១. ទម្លាប់គេង៖ ពេលគេងមិនគ្រប់ វាមិនត្រឹមតែធ្វើឲ្យអ្នកឃ្លានចង់ញ៉ាំថែមនោះទេ តែវាក៏ធ្វើឲ្យអ្នកល្វើយ ខ្ជិលហាត់ប្រាណផងដែរ។ទាំងនេះជាកត្តាធ្វើឲ្យឡើងទម្ងន់ជាពិសេសគឺក្បាលពោះនេះតែម្ដង។ យល់ល្អគួរគេងចន្លោះពី៦ទៅ ៨ ម៉ោង។
២. ញ៉ាំអាហារកញ្ចប់ និងអាហារកកច្រើន៖ ពួកវាសម្បូរដោយជាតិស្ករ និងសារធាតុមួយចំនួនទៀតដែលធ្វើឲ្យដុះក្បាលពោះ។
៣. ហាត់ប្រាណមិនត្រឹមត្រូវ៖ មិនត្រូវហាត់ប្រាណផ្ដោតលើតែក្បាលពោះទេ តែត្រូវផ្ដោតលើរាងកាយទាំងមូលដើម្បីឲ្យបែកញើសសព្វចេញជាតិខ្លាញ់។
៤. ផឹកភេសជ្ជៈប៉ូវកម្លាំង៖ វាធ្វើឲ្យអ្នកមានអត្រាដុះក្បាលពោះបីដងខ្ពស់ជាងអ្នកមិនញ៉ាំ។ យល់ល្អគួរញ៉ាំ ភេសជ្ជៈដូចជាទឹកសុទ្ធ, តែ ឬទឹកក្រូចឆ្មាវិញ។
៥. ញ៉ាំអាហារសម្បូរសម្បូរជីវជាតិច្រើនជ្រុល៖ ការញ៉ាំគ្រាប់ធញ្ញជាតិ, ផ្លែបឺរ, និងប្រេង រុក្ខជាតិគឺល្អ តែអ្នកមិនត្រូវញ៉ាំច្រើនពេកនោះទេ។
អត្ថបទដោយ៖អ៊ាង សុផល្លែត
