សុខភាព និងសម្រស់
រូបភាព
ការលាងសម្អាតប្រហែលជាល្អសម្រាប់ផ្ទះ និងលុយកាករបស់អ្នក ប៉ុន្តែវាប្រហែលជាមិនល្អសម្រាប់សុខភាពអ្នកឡើយ។ តាមការសិក្សាថ្មីរបស់ប្រជាជនអឺរ៉ុបបានរកឃើញថា ស្ត្រីដែលធ្វើការជាអ្នកលាងសម្អាត ឬលាងសម្អាតផ្ទះញឹកញាប់ដោយការប្រើផលិតផលស្ព្រាយបាញ់ ឬផលិតផលផ្សេងៗទៀត គឺមានការថយចុះសុខភាពសួតកាន់តែខ្លាំងជាងស្ត្រិដែលមិនបានលាងសម្អាតបែបនេះ។
អ្នកស្រាវជ្រាវមកពីសាកលវិទ្យាល័យ Bergen ក្នុងប្រទេសណ័រវេ និយាយថា ការថយចុះយ៉ាងលឿនលើសុខភាពសួតគឺសឹងតែស្មើរការជក់បារី ២០ដើមក្នុងមួយថ្ងៃហើយនៅពេល ប៉ះពាល់នឹងផលិតផលលាងសម្អាតរយៈពេល ១០ ទៅ២០ឆ្នាំ។
អ្នកស្រាវជ្រាវបានវិភាគទៅលើទិន្នន័យបានមកពីអ្នកចូលរួមប្រមាណ ៦២៣៥នាក់ ក្នុងការសង្កេតមួយឈ្មោះថា European Community Respiratory Health Survey ដែលក្នុងនោះមាន ៥៣ភាគរយជាមនុស្សស្រី។ ពួកគេបានតាមដានរយៈពេលច្រើនជាង ២០ឆ្នាំឯណោះ។ អ្នកស្រាវជ្រាវបាននិយាយថា ការថយចុះរបស់សុខភាពសួតប្រហែលជាកើតឡើងដោយសារតែការរលាក ដែលភាគច្រើនបង្កឡើងដោយសារធាតុគីមីនៅក្នុងផលិតផលលាងសម្អាត ហើយវាក៏ធ្វើឲ្យប៉ះពាល់ដល់ភ្នាស់ទឹករំអិលដែលក្រាលនៅលើផ្លូវដង្ហើម ដែលអាចបណ្តាលឲ្យមានការផ្លាស់ប្តូររយៈពេលយូរផងដែរ៕សម្រួលអត្ថបទដោយ៖ អ៊ាង សុផល្លែត