ថ្នាំគ្រុនពោះវៀនយ៉ាងស័ក្តសិទ្ធ ជាមិនលាប់វិញ

2375

ជំងឺគ្រុនពោះវៀនជាអ្វី?
ជំងឺគ្រុនពោះវៀនបង្កឡើងដោយបាក់តេរីម្យ៉ាងមានឈ្មោះថា Salmonella Typhi ហើយវាកម្រនឹងកើតមានក្នុងប្រទេសអភិវឌ្ឈន៍ណាស់ ។ ទោះបីជាយ៉ាងណាក៏ដោយ វានៅតែបន្សលទុកនូវជំងឺដ៏មានការគំរាមគំហែង និងធ្ងន់ធ្ងរក្នុងប្រទេសកំពុងអភិវឌ្ឍន៍ ។ ជម្ងឺគ្រុនពោះវៀនឆ្លងតាមរយៈការទទួលទានទឹក និងអាហារដែលមានមេរោគ ឬមានការស្និទ្ធស្នាលជាមួយអ្នកដែលជំងឺស្រាប ។ រោគសញ្ញារបស់វាច្រើនតែមានការក្តៅខ្លួនខ្លាំង ឈឺក្បាល ឈឺពោះ និងទលលាមក ឬរាគ ។ នៅពេលដែលបានព្យាបាលដោយថ្នាំអង់ទីបីយ៉ូទិចហើយ ធ្វើអោយអ្នកមានភាពធូស្រាលវិញក្នុងរយៈពេល ពីរបីថ្ងៃថ្វីបើមានផលវិបាកតិចតួចឈានទៅរកការស្លាប់ក៏ដោយ ។

ចំណែកខាងក្រោមនេះជាវិធីសាស្ត្រយ៉ាងស័ក្តសិទ្ធដែលម្ចាស់គណនីហ្វេកប៊ុក ពេលដឹង ទើបយល់ បានសាកល្បង ហើយជាពីជំងឺ លែងលាប់វិញ ហើយចង់ចែករំលែកបន្តដល់បងប្អូនទាំងអស់គ្នា។ ទឹកដូង និងក្រសាំងទាបញ៉ាំវាហើយជាមិនលាប់វិញ។


ព្យាបាលជំងឺ៖គ្រុនពោះវៀន
ប្រភេទរុក្ខជាតិ៖ ទឹកដូង និងក្រសាំងទាប


វិធីធ្វើ និងប្រើប្រាស់÷
-ដូងមួយផ្លែ
-ក្រសាំងទាបមួយក្តាប់ដៃ
-បុកវាឱ្យម៉ដ្ឋ រួចត្រាំក្នុងទឹកដូង


-ទុកចោលចំនួន 15 ទៅ 20នាទី
-ច្រោះយកទឹក

-ទទួលមួយម៉ោងក្រោយបាយ
-ទទួលទាន ចំនួនបីថ្ងៃ អស់តែដូង3ផ្លែជាហើយ។


*សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទដោយ៖ អ៊ាង សុផល្លែត

អត្ថបទទាក់ទងល្អបន្ថែម៖ អត្ថប្រយោជន៍ដើមក្រសាំងទាប ដែលលោកអ្នកមិនគួរមើលរំលង
ក្រសាំងទាបត្រូវបានគេយកទៅប្រើប្រាស់ជា ឳសថមួយប្រភេទដែលអាចព្យាបាលជំងឺដូចជា ជំងឺរលាកសន្លាក់ ជំងឺរលាកសន្លាក់ហ្គោ (Gout) ជំងឺស្បែក ឈឺពោះ និងបញ្ហាតំរងនោមជាដើម។ វាអាចលាបទៅលើស្បែក ជាថ្នាំហើម រឺក៏ដាំជាថ្នាំផឹក។
– ផ្នែកដែលអាចបាន គឺស្លឹក និងដើម។

– គុណសម្បតិ្ត
ជាសារធាតុប្រឆាំងនឹងការរលាក ថ្នាំត្រជាក់ ថ្នាំបំបាត់ការឈឺចាប់ ប្រឆាំងនឹងរោគផ្សិត និងប្រឆាំងនឹងមហារីក -ល-។
– ការប្រើប្រាស់៖
+យកស្លឹក និង ឬសវាឆុងដូចតែ រឺរំងាស់ជាថ្នាំប្រើសំរាប់ជំងឺរលាកសន្លាក់ និង Gout
+យកស្លឺកវាដាំជាថ្នាំផឹកសំរាប់ព្យាបាលការឆ្លងមេរោគនៅលើប្រព័ន្ធតំរងនោម
+ទឹកដែលបានមកពីការរំងាស់ស្លឹកក្រសាំងទាប ប្រើទឹកលុបលាងមុខ សំរាប់បញ្ហាស្បែក (ពណ៌សំបុរស្បែក)
+រុក្ខជាតិទាំងមូល ប្រើជាថ្នាំស្អំបូសទ្រនិច ពងខ្ទុះ និង មុនខ្ទុះ។


– ប្រទេសដែលនិយមប្រើ៖
+នៅ Jamaica និង Caribbean យកវាទៅប្រើប្រាស់ជាថ្នាំផ្តាសាយ ហើយ ជាថ្នាំបញ្ចុះទឹកនោម សំរាប់បញ្ហាតំរងនោម។
+នៅ Brazil ប្រើជាថ្នាំព្យាបាលអាប់សែ រឺ រោគរលាកស្បែកក្នុងនៃត្របកភ្នែក។
+នៅ Bolivia យកឫសទៅរំងាស់ជាថ្នាំប្រើសំរាប់ព្យាបាលជំងឺគ្រុន ពងស្បែក (បូសទ្រនិច) និង រោគរលាកស្បែកក្នុងនៃត្របកភ្នែក។


+នៅ Bangladesh យកស្លឹកវាប្រើសំរាប់ព្យាបាលជំងឺផ្លូវចិត្ត។
+នៅអាហ្វ្រិក យកវាប្រើសំរាប់ជំងឺប្រកាច់ និង សាច់ដុះ។
+វាក៏ត្រូវបានគេប្រើសំរាប់ព្យាបាលអាការៈឈឺក្បាល, ការឈឺសន្លាក់ឆ្អឹង, បញ្ហាផ្លូវភេទ (ខ្សោយលិង្គ), និងបញ្ចុះកូលេស្តេរ៉ុលជាដើម។
+សំរាប់អ្នកដែលមានបញ្ហារលាកសន្លាក់អាចញុំាវាជាសាឡាត់ក៏បាន រឺឆុងវាជាតែ។ វិធីមួយទៀតយកស្លឹក និង ដើមវាមួយក្តាប់ដាំរំងាស់ជាមួយទឹក ២កែវ រំងាស់រហូតសល់ទឹកតែ ១/២ ពែង ហើយផឹកវារាល់ពេលព្រឹក និង ល្ងាច។

ឈ្មោះវិទ្យាសាស្ត្រ Peperomia pellucida Korth

ក្រសាំងទាបច្រើនដុះតាមកុម្ពផ្កា ក្នុងសួនបន្លែ តាមកៀនកោះដែលសើមត្រជាក់ មានកម្ពស់ជី ១៥ ទៅ ៣០ សម មានដើមសថ្លាស្រួយ បៀមជាតិទឹក មានស្លឹកពណ៌បៃតងភ្លឺ និងគ្រាប់ល្អិតៗដូចម្រេច រសជាតិហឺរ ។ ខ្មែរយើងនិយមបរិភោគជាអន្លក់ ឬ ឆាត្រឡប់ជាមួយសាច់គោ ក្រសាំងទៀបមានអត្ថប្រយោជន៍សម្រាប់សុខភាព សម្រស់ និង រក្សាជម្ងឺ ដោយសារក្រសាំងទាប មានបរិមាណ Vit C និង បេតាការ៉ូទីនខ្ពស់ ក្នងស្លឹកមានសារធាតុ TRINIDATE ដែលច្រើនយកមកប្រើជាថ្នាំត្រជាក់ ។

នៅប្រទេសមួយចំនួន ក្រសាំងទាបត្រូវបានយកមកប្រើ ទម្លាក់ ជាតិខ្លាញ់ក្នុងឈាម Cholesterol ។

ស្លឹកក្រសាំងទាប យកមកបុកពូតយកទឹកពិសារបំបាត់ឈឺក្បាល ។

-​ បំបាត់ជម្ងឺភ្នែក , កន្ទុយថ្លែន Glaucoma

– បន្ថយកម្តៅ កែរលាក , បំបាត់ចុកពោះ

– មហារីកសុដន់

– ជួយបេះដូង , បញ្ចុះ ទឹកនោម

– ព្យាបាលរើម ( បុកស្លឹក ជាមួយល្មៀត និង ម្សៅអង្ករ យកទៅ បិទ ទុកចោលមួយយប់ )

– កែពិស , បុស , កើតមុន ដោយទប់ស្កាត់ពពួកបាត់តេរី

– បំបាត់ឈឺសន្លាក់

– ប្រឆាំងរ៉ាឌីកាល់សេរី ទប់ស្កាត់ជម្ងឺមហារីក

– ស្លឹកក្រសាំងទាបមិនត្រឹម រក្សាមុនទេ ថែមទាំងជួយ បំប៉នស្បែកឲ្យភ្លឺរលោង

( ច្រើនយកស្លឹកដាំទឹកយកមកលាងមុខ )

– ច្របាច់ស្លឹកយកមកកក់សក់បំបាត់ជ្រុះ និងធ្វើឲ្យសក់ភឺ្លទន់រលោង ។

 

បច្ចុប្បន្នមានការផលិតលក់ចេញនៅប្រទេសក្រៅផងដែរ

*​** ចំណាំៈ ក្រសាំងទាបជាបន្លែសម្រាប់បរិភោគ មិនមែនជាថ្នាំសម្រាប់ព្យាបាលជំងឺឡើយគ្រាន់តែវាមានគុណសម្បត្តិ ដល់ការថែរក្សាសុខភាពនិង ជំងឺ ៕

ប្រភពៈ The Memories

SHARE

LEAVE A REPLY

Please enter your comment!
Please enter your name here