ឱសថបុរាណធម្មជាតិ
រូបភាព
ព្យាបាល៖ ទល់លាមក ធ្វើអោយដើរខ្យល់
ឈ្មោះរុក្ខជាតិ៖ ក្រកោ
លក្ខណៈរុក្ខជាតិ៖ ជាប្រភេទតិណជាតិរស់បានយូរឆ្នាំ មានកំពស់ពី ១-៣ម។
ស្លឹក ៖ ស្លឹកទៅលដុះស្ទប និងដើមឆ្លាស់គ្នា មានទទឹងពី២-៧ស.ម ប្រវែងពី៣០-៥០ស.ម។
ផ្កា ៖ ផ្កាជាចង្កោមមានពី១០-១៥ផ្កា ទងចង្កោមផ្កាតូចវែងប្រវែង ១០ស.ម។ ផ្កាតូចពណ៌ស
ស៊ីជំពូររាងដូចត្រែដុះចេញពីគល់។
ផ្លែ ៖ ផ្លែរាងជាស៊ុតសំបកមានបន្លាទន់ ខ្ចី២ប្រវែងពី១៥-២០ម.ម ទុំពណ៌ក្រហមមានគ្រាប់មូល
ពី១០-២០គ្រាប់។
កន្លែងដាំដុះ ៖ ដុះដោយខ្លួនឯងនៅតាមព្រៃភ្នំ។
ផ្នែកប្រើប្រាស់៖ ស្លឹក ផ្លែ ផ្កា គ្រាប់។
កបនឹងជម្ងឺ៖
-ផ្លែ៖ ឈឺពោះ ទល់លាមក ធ្វើអោយដើរខ្យល់ រាកមួល
-ផ្កា៖ ចែងថ្ងៃ
-ស្លឹក៖ បញ្ចុះទឹកនោម និងរោគពាក់ព័ន្ធនិងខ្លាញ់។
-គ្រាប់៖ បណ្ដេញខ្យល់ បញ្ចេញទឹកដោះ ចង្អោរ ក្អួត បញ្ចុះខ្លាញ់ក្នុងឈាម។
កំរិតប្រើ៖ (ផ្លែ)1g-3g ស្ងោរផឹកសំរាប់មួយថ្ងៃ។
**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទៈ អ៊ាង សុផល្លែត
ឯកសារយោង៖ រុក្ខជាតិឱសថកម្ពុជា
———-
>>វិធីងាយៗ៩យ៉ាងសម្រាប់ព្យាបាលបញ្ហាទល់លាមក
ការទល់លាមកអាចប៉ះពាល់លើនណាម្នាក់គ្រប់ពេលវេលា ប៉ុន្តែវាកម្រនឹងមានលក្ខណៈធ្ងន់ធ្ងរណាស់ ហើយនិងអាចធូរស្រាលដោយគ្រាន់តែផ្លាស់ប្តូររបបអាហារ ឬក៏ធ្វើលំហាត់ប្រាណ។ ទល់លាមកបើសិនជាអ្នកពិបាកបន្ទោរបង់លាមកជាងធម្មតា បើលាមករបស់អ្នករឺងជាងធម្មតា ហើយអ្នកបន្ទោបង់តិចដងជាងធម្មតា។ អ្នកអាចមានអារម្មរណ៏មិនស្រណុកនៅពេលដែលអ្នកទល់លាមក ហើយមានអារម្មរណ៏ចង់ចូលទៅបន្ទប់ទឹក តែមិនមានលាមកចេញមក ឬក៏លាមករឹងពេច។
មិនថ្វីទេ ព្រោះពេលនេះ Everyday សូមណែនាំអ្នកអំពីវិធីងាយៗក្នុងការព្យាបាល ការទល់លាមក ដោយមិនចាំបាច់ ប្រើថ្នាំ ៖
១-ទទួលទានទឹកគ្រាប់ជីរត្រាំទឹក ដោយប្រើគ្រាប់ជីរ២ស្លាបព្រាកាហ្វេ ត្រាំទឹក ឲ្យរីកពេញលេញ ក្នុងទឹកស្អាតមួយកែវ ប្រមាណ ២៥០មីល្លីលីត្រ
២-ទទួលទានល្ហុងទុំស្រស់ ប្រមាណ ១/៤ផ្លែ
៣-ទទួលទានទឹកក្តៅឧណ្ហៗ ៣-៤កែវ (៧៥០-១.០០០ ម.ល) ពេលពោះទទេ ឬទើបក្រោកពីគេង ១០-១៥នាទី ហើយគួរទទួលទានក្នុងអំឡុងពេលឈរ ដើម្បីកុំឲ្យមានអារម្មណ៍សៀតណែន ឬទទួលទានពេលដើរទៅមក ដើម្បីឲ្យពោះវៀនកម្រើកចលនា
៤-ទទួលទានផ្លែព្រូនក្រៀម មុនចូលគេង ប៉ុន្តែមិនគួរទទួលទានច្រើន និងញឹកពេកឡើយ ដោយសារវាមានបរិមាណជាតិស្ករខ្ពស់
៥-ហ្វឹកហាត់បន្ទោរបង់ ឲ្យទៀងពេល និងមិនគួរទប់លាមក រហូតកើតជាទម្លាប់នោះឡើយ
៦-ទទួលទានទឹកអំពិលទុំខាប់ ប្រមាណ១កែវ
៧-ឧស្សាហ៍ដើរហាត់ប្រាណ ប្រមាណ ២០-៣០ នាទី ជួយឲ្យពោះវៀនដំណើរការកាន់តែល្អ
៨-សាកល្បងម៉ាស្សាពោះវៀនធំ ដោយម៉ាស្សាបរិវេណក្រោមផ្ចិត ប្រើដៃម៉ាស្សាវិលតាមទម្រង់ពោះវៀនធំ ធ្វើមួយសន្ទុះ អ្នកនឹងមានអារម្មណ៍ចង់ចូលបន្ទប់ទឹក
៩-ប្តូរឥរិយាបថអង្គុយ ក្នុងការចូលបន្ទប់ទឹក ដើម្បីឲ្យបន្ទោបង់កាន់តែល្អប្រសើរ ដោយអង្គុយច្រហោង ព្រោះជួយឲ្យពោះវៀនធំផ្នែកចុង ស្ថិតក្នុងលក្ខណៈត្រង់ ប៉ុន្តែ បើជាចានបង្គន់ប្រភេទអង្គុយពីលើផ្ទាល់ ពេលអង្គុយត្រូវរកកៅអីតូចៗ ឬរបស់អ្វីមួយមកកល់ជើង ដើម្បីឲ្យជង្គង់បានលើកខ្ពស់ឡើងបន្តិច។
សម្រួលអត្ថបទ៖ អ៊ាង សុផល្លែត
