ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
ឯកសារកសិកម្ម

វិធីផលិតថ្នាំពីធម្មជាតិ សម្រាប់កំចាត់ចៃដែលបំផ្លាញដំណាំ

16-Aug-2018 11:57 AM

រូបភាព


ដោយ: Uddam

១. ធាតុផ្សំ៖

ស្លឹកស្តៅ ដើមស្លឹកគ្រៃ ស្លឹកម្រុំ ស្លឹកទន្ទ្រោនខេត្ត សំបកផ្លែមង្ឃុត វល្លិបណ្តូលពេជ្រ សំបកដើមអង្គារ៍ដី ម្ទេសទុំ ថ្នាំខ្លាំង (ថ្នាំជក់) ស្លឹកទាប ស្រាស១លីត្រ និងទឹកខ្មេះ១លីត្រ ស្ករងូកន្លះលីត្រ។

២. វិធីធ្វើ៖
ចិញ្ច្រាំ និងកិនធាតុផ្សំខាងលើជាបំណែកតូចៗបរិមាណស្មើគ្នាមួយមុខចំនួន១គីឡូក្រាម ដាក់ចូលក្នុងធុង ឬពាងធំមួយ ហើយចាក់ទឹកចូលចំនួន៥០លីត្រ រួចហើយចាក់ស្រាស ទឹកខ្មេះ ស្ករងូចូលកូរឲ្យសព្វ រួចបិទគ្របឲ្យជិតរក្សាទុករយៈពេល១ខែ (ត្រូវកូរវារាល់មួយអាទិត្យម្តង)។

៣. វិធីប្រើ៖
លាយទឹកថ្នាំខាងលើ៣ស្លាព្រាបាយ ជាមួយទឹក៥លីត្រ រួចបាញ់លើដំណាំដែលរងការបំផ្លាញពីសត្វល្អិត និងចៃផ្សេងៗរាល់៣ថ្ងៃម្តង ប្រសិនបើវារងការបំផ្លាញខ្លាំងយើងត្រូវបាញ់រាល់ថ្ងៃ នោះវានឹងកាត់បន្ថយសត្វល្អិតចង្រៃដែលបំផ្លាញដំណាំរបស់យើង។

សូមព្យាយាមប្រើប្រាស់ថ្នាំសម្លាប់ដែលផ្សំពីធម្មជាតិទៅតាមលទ្ធភាពដែលអាចធ្វើទៅបាន ដើម្បីទទួលបានសុខភាពល្អទាំងអ្នកផលិត និងអ្នកប្រើប្រាស់។

អត្ថបទដោយ៖ អ៊ាង សុផល្លែត