ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
វិជ្ជាមេផ្ទះ

ងាយៗវិធីធ្វើបង្គាឆាល្ពៅ ឆ្ងាញ់!

03-Jun-2019 11:54 AM

រូបភាព


ដោយ: Uddam

គ្រឿងផ្សំ៖ ល្ពៅ ២០០ក្រាម, បង្គា ៦-៧ (បកសំបក), ស៊ុត​ ១គ្រាប់, ខ្ទឹមសចិញ្រ្ចាំ ២ស្លាបព្រាបាយ, ទឹកប្រេងខ្យង ១ស្លាបព្រាបាយ, ទឹកត្រី ២ស្លាបព្រាកាហ្វេ, ស្លឹកខ្ទឹមហាន់ ឬស្លឹកជីរនាងវង។

វិធីធ្វើ៖

១.យកល្ពៅចិតសំបក យកគ្រាប់ចេញ រួចកាត់ជាដុំៗល្មម លាងទឹកអោយស្អាតទុកមួយឡែក

២.ដាំខ្ទះដាក់ប្រេងឆាចូល ដាក់ខ្ទឹមចិញ្ច្រាំចូល រំលីងអោយឈ្ងុយ រួចដាក់ល្ពៅចូលឆា ៤-៥ត្រលប់ ហើយដាក់បង្គាចូល ឆាអោយឆ្អិនបន្តិច

៣.បន្ទាប់មកដាក់ទឹកប្រេងខ្យង និងទឹកត្រីចូល ហើយគោះស៊ុតដាក់ចូលវាយច្របល់ ឆាចូលច្របល់គ្នាអោយសព្វ ឆ្អិនហើយដាក់ស្លឹកខ្ទឹមចូលជាកាស្រេច៕

សម្រួលអត្ថបទដោយ៖ ស្រីពៅ