ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
កសិកម្ម

វិធីដាំជីអង្កាមក្នុងកញ្ច្រែង !!

25-Feb-2019 11:23 PM

រូបភាព


ដោយ: Uddam

បើអ្នកមានបំណងចង់ដាំជីអង្កាមតែនៅផ្ទះអ្នកមិនមានទីធ្លាសម្រាប់ដាំគ្រប់គ្រាន់អ្នកអាចជ្រើសរើសនូវវិធីមួយគឺការដាំវានៅក្នុងកញ្ច្រែងវាពិតជាងាយហើយមិនចំណាយច្រើននិងពិបាកក្នុងការថែទាំនោះទេព្រោះថាអ្នកអាចដាក់វានៅក្បែរៗខ្លួនអ្នកបានដោយពុំចាំបាច់ពិបាកដើរទៅស្រោចទឹកនោះទេ។ តោះសូមអាចនូវវិធីដាំជីអង្កាមក្នុងកញ្ច្រែងទាំងអស់គ្នា។

វិធីធ្វើ៖

-ជ្រើសយកខ្នែងដែលល្អ

-បេះស្លឹកចេញខ្លះ ទុកត្រឹម៣-៤ស្លឹក ដើម្បីកាត់បន្ថយការខ្សោះជាតិទឹកនៃជីអង្កាមនេះ

-រៀបចំថាសមួយដែលមានរន្ធតំរៀបជាជួរសម្រាប់ដាំ រួចដាក់ក្នុងកញ្រ្ចែងមួយ

-យកកំទេចថ្មពណ៌ស លាយជាមួយកំទេចថ្មភ្នំភ្លើង (ឬអាចសាកល្បងលាយជាមួយខ្សាច់គ្រាប់ធំ) ដាក់ក្នុងរន្ធនោះត្រឹមជាងពាក់កណ្តាលបន្តិច

-ប្រើចន្ទាសចាប់ដើមជីអង្កាមដាក់ដាំក្នុងរន្ធ កុំអោយវាជំា ឬបាក់ខូច

-ពេលដាំបានគ្រប់រន្ធហើយយកវាទៅដាក់ក្នុងថាសឬអាងដែលធំជាងហើយចាក់ទឹកចូលអោយបានត្រឹមពាក់កណ្តាលរន្ធដែលដាំនោះ ជ្រើសរើសយកកន្លែងដែលមានពន្លឺថ្ងៃតិចៗ

-រង់ចាំរយៈពេល ៧-១០ថ្ងៃ ឬសង្កេតមើលជីអង្កាមថាវាលាស់ត្រួយហើយទើបដាក់ជី

-រយៈពេល ៣-៤អាទិត្យ វានឹងលូតលាស់ឡើងពេញកញ្ច្រែង ទើបយើងអាចកាត់យកទៅលក់ ឬញុំបានដូចដែលអ្នកចូលចិត្ត

វិធីធ្វើទឹកជី៖យកលាមកប្រចៀវ១គីឡូក្រាមលាយជាមួយទឹក២០លីត្រ កូរឲ្យសព្វរួចយកទៅហាលថ្ងៃ៣ថ្ងៃ
បន្ទាប់មកយកទឹកជីខាងលើលាយជាមួយទឹក២០លីត្រសម្រាប់ការដាំ

សម្រួលអត្ថបទដោយ៖ អ៊ាង សុផល្លែត