ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
ឱសថបុរាណធម្មជាតិ

រកាំមិនត្រឹមតែមានរសជាតិជូរអែមឆ្ងាញ់ប៉ុណ្ណោះទេ តែរកាំក៏ជាឱសថធម្មជាតិព្យាបាលជំងឺបានផងដែរ!

20-Aug-2018 03:31 PM

រូបភាព


ដោយ: Uddam

រុក្ខជាតិ៖ រកាំ

ផ្នែកប្រើប្រាស់៖ ផ្លែ ស្លឹក។

កន្លែងដាំដុះ៖ ដុះដោយខ្លួនឯងនៅតាមតំបន់ភ្នំ ធ្លាប់ប្រទះឃើញនៅខេត្តកោះកុង។ បន្តពូជដោយគ្រាប់។

លក្ខណៈរុក្ខជាតិ៖ ជាតាលព្រឹក្ស ធាងដុះចេញពីដី តាមធាងមានបន្លាច្រើន។

ស្លឹក៖ ស្លឹកដុះចេញពីធាង ជាស្និតមិនរៀបរយ (រាងដូចស្លឹកផ្តៅសោម)។

ផ្កា៖ កញ្ចុំផ្កាចេញពីគល់ប្រគាបស្លឹក។

ផ្លែ៖ ចេញជាធ្លាយ ផ្លែនីមួយរាងស៊ុតស្រួចចុងក្រហមជាំ មានរសជាតិជូរអែម។ សំបកផ្លែមានរោមច្រើនបែបជាបន្លា។

 

ការព្យាបាល៖

-ផ្លែ៖ ទទួលទានព្យាបាលរោគស្លេស្ម៍ ក្អក និងហើមក្បាលជង្គង់។

 

-ស្លឹក៖ ទំលាក់ស្លេស្ម៍ ឈាមក្តៅ។

កំរិតប្រើ៖ ប្រើពី ៣០-៥០ក្រាម ដាំផឹកក្នុងមួយថ្ងៃ។

**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។

សម្រួលអត្ថបទដោយ៖ អ៊ាង សុផល្លែត

ឯកសារយោង៖ មជ្ឈមណ្ឌលជាតិស្រាវជ្រាវវេជ្ជសាស្រ្តបូរាណ