សុខភាព និងសម្រស់
រូបភាព
ប្រសិនបើដៃជើងរបស់អ្នកត្រជាក់គ្រប់ពេល វាប្រហែលជាកំពុងប្រាប់អ្នកអំពីរឿងអ្វីមួយទាក់ទងនឹងសុខភាពរបស់អ្នក។ ដៃជើងត្រជាក់អាចចង្អុលបង្ហាញនូវជំងឺលាក់មុខណាមួយ។ ខាងក្រោមនេះគឺជាហេតុផលទូទៅបំផុតចំពោះការដែលដៃជើងរបស់អ្នកតែងតែត្រជាក់ហើយស្ពឹក។
១.ជំងឺ Raynaud៖ជំងឺដែលគេពុំសូវស្គាល់មួយនេះប៉ះពាល់លើស្ត្រីច្រើនជាងបុរស។ រោគសញ្ញជំងឺនេះគឺរួមមានត្រជាក់ដៃជើង និងឈឺពើតផ្សា ស្ពឹកស្រពន់នៅចុងដៃចុងជើង។ ដៃជើងមើលទៅស្លេកស្លាំងហើយត្រជាក់ដោយសារតែការស្ទះលំហូរឈាមទៅដៃជើង។ ក្រោយមកមួយសន្ទុះ ការផ្គត់ផ្គង់ឈាមបានវិលត្រឡប់មកចុងដៃចុងជើងវិញ ប៉ុន្តែវាមានសភាពស្ពឹក ឈឺពើតផ្សា។
២.រោគខ្វះឈាមក្រហម៖ជាថ្មីម្តងទៀត ស្ត្រីងាយនឹងកើតជំងឺនេះជាងបុរស។ កង្វះជាតិដែកអាចប៉ះពាល់ការបង្កើតអ័រម៉ូនក្រពេញទីរ៉ូអ៊ីត ដែលគ្រប់គ្រងដោយផ្ទាល់លើការរំលាយអាហារក្នុងរាងកាយ និងប៉ះពាល់ដល់សីតុណ្ហភាពទូទៅក្នុងរាងកាយ។
៣.ជំងឺទឹកនោមផ្អែម និងជំងឺលើសឈាម៖ជំងឺរ៉ាំរ៉ៃពីប្រភេទនេះកើតឡើងបណ្តាលមកពីខូចសរសៃឈាម។ បញ្ហាទូទៅដែលបានធ្វើឱ្យដៃជើងត្រជាក់គឺថាសរសៃឈាមដែលខូចមិនអាចនាំឈាមគ្រប់គ្រាន់ទៅកាន់ចុងដៃចុងជើងបានទេ ជាលទ្ធផលបានធ្វើឱ្យចុងដៃចុងជើងត្រជាក់បែបនេះឯង។
+ដើម្បីការពារជំងឺទាំងនេះ អ្នកគួរតែរក្សាសុខភាពឱ្យបានល្អ និងឧស្សាហ៍ពិនិត្យសុខភាពដើម្បីធ្វើឱ្យប្រាកដថា លោកអ្នកពុំកើតជំងឺដូចជាទឹកនោមផ្អែម ជំងឺលើសឈាម និងជំងឺរ៉ាំរ៉ៃជាច្រើនទៀតនោះឡើយ។ ក្រៅពីការព្យាបាលជំងឺទាំងនេះ លោកអ្នកក៏អាចចាត់វិធានការទប់ស្កាត់ដូចខាងក្រោមផងដែរ៖
១-ពាក់ស្រោមដៃនិងស្រោមជើងដើម្បីរក្សាកម្តៅ។
២-ផ្លាស់ប្តូរទម្លាប់រស់នៅ៖ចៀសវាងការទទួលទានជាតិស្រវឹង និងកាត់បន្ថយជាតិកាហ្វេអ៊ីន។ ទទួលទានអាហារដែលសម្បូរជាតិវីតាមីន និងរ៉ែឱ្យបានច្រើន។
៣-ផឹកឱសថធម្មជាតិ ដូចជាទឹកតែលាយម្ទេសក្រហមមួយស្លាបព្រាកាហ្វេជាដើម៕ សម្រួលអត្ថបទ៖ខ្ទឹមស