ព័ត៌មាន និងចំណេះដឹងថ្មីៗដែលពាក់ព័ន្ធនឹងវិស័យបរិស្ថាន កសិកម្ម ឱសថបូរាណខ្មែរ និងសុខភាព។ Useful news related to Khmer Literature, Environment, Agriculture, and Natural Medicine
កសិកម្ម

បច្ចេកទេសផ្សាំល្ហុងឲ្យបានដើមតឿ សម្រាប់ដាំក្នុងផើង ឬការុងបានផ្កាផ្លែភ្លាមៗ!!

13-Apr-2019 09:48 AM

រូបភាព


ដោយ: Uddam

វិធីផ្សាំល្ហុងសម្រាប់ដាំ មានដើមទាប និងឆាប់ផ្លែ

*វត្ថុត្រូវការ៖
១-កាំបិតមុតតូចមួយ
២-ខ្សែសម្រាប់ចង


៣-ថង់ប្លាស្ទិចទំហំ៣x៣អ៊ីញ
៤-ស្រកីដូង
៥-ដីកំទេចស្លឹករុក្ខជាតិ
៦-ស្នៀតឈើ។

+វិធីផ្សាំ៖
១-ជ្រើសរើសដើមល្ហុងញី ណាដែលចាស់ល្មមពូជមានផ្លែច្រើន មានសុខភាពល្អ ធន់នឹងជម្ងឺសម្រាប់យកមកផ្សាំ
២ បន្ទាប់មកកាត់ដើមនោះចោលទុកកម្ពស់ប្រមាណ ១,៥ម៉ែត្រ ពីដី ២ខែ

ក្រោយមកវានឹងដុះចេញខ្នែងកូនតូចៗប្រមាណ ៥ទៅ៦ ដើម
៣-យកកំទេចដី លាយជាមួយកំទេចស្រកីដូង (ដាក់ដី១/៣) រួចដាក់ចូលថង់ប្លាស្ទិច
៤-កាត់បញ្ចិត ជ្រៀកកូនខ្នែងដែលដុះនោះត្រង់គល់ពីក្រោមទៅលើ ប្រមាណ ១តឹក រួចយកស្នៀតឈើស៊កចូលចន្លោះនោះ


៥-វះថង់ខាងលើរួចយកដីចេញខ្លះ រួចយកមកចងផ្អោបជុំវិញកន្លែងដែលកាត់នោះ បន្ទាប់មកស្រោចទឹកចូលឲ្យសព្វចូលក្នុងដីនោះ រួចយកខ្សែរុំជុំវិញឲ្យជាប់
៦-ដាក់ទឹកឲ្យវាក្នុងរយៈពេល ២ថ្ងៃម្តង ដាក់កម្រិតល្មមកុំឲ្យវាជាំពេក ឬមើលតាមជាក់ស្តែងថាវាស្ងួតឬអត់


៧-រយៈពេលប្រមាណ ៤០ថ្ងៃ វានឹងចេញឬសដែលយើងអាចមើលឃើញនៅក្នុងថង់នោះដែលយើងអាចយកវាទៅដាំក្នុងផើងបាន។ រយៈពេលប្រមាណ២ខែជាងវានឹងចាប់ផ្តើមចេញផ្កាបានផលហើយ។

អត្ថបទដោយ៖ អ៊ាង សុផល្លែត